РХИ-йы Хицауады Сæрдар Пухаты Эрик фембæлд республикæмæ балцы æрцæуæг Республикæ Цæгат Ирыстон-Аланийы делегациимæ, йæ сæргъ Экономикон рæзты министр Томайты Хъазбег, афтæмæй.
Фембæлды хайад райста Республикæ Хуссар Ирыстоны Экономикон рæзты министр Кокойты Геннади.
Пухаты Эрик æгас цу загъта уазджытæн æмæ банысан кодта Республикæ Цæгат Ирыстон Алани æмæ Республикæ Хуссар Ирыстоны æххæстгæнæг хицауиуæгады органты æмархайды ахсджиагдзинад.
Нæ ахастытæ Уæрæсейы федерацийы æввахсдæр субъекттимæ куыд аразæм архайæг бадзырдты фæлгæтты, уымæй уæлдай хъуамæ Цæгат Ирыстонимæ нæ ахастытæ рæзын кæнæм куыд иууон Ирыстоны хайимæ, афтæ. Уый тыххæй нын æхсызгон вæййы иумиаг проекттæ саразынмæ дарддæры къахдзæфтыл æруынаффæ кæныны алы фадат дæр», – загъта РХИ-йы Хицауады Сæрдар Пухаты Эрик æмæ банысан кодта, зæгъгæ, фæстаг азты дыууæ республикæйы æххæстгæнæг хицауиуæгады органты ‘хсæн æмархайды æмвæзад бæрæг фæбæрзонддæр.
«Мах банысан кодтам нæ дарддæры æмгуыстады алыгъуызон здæхтыты мадзæлттæ: туризмы, хъæууон хæдзарады, культурæ, социалон фадыджы, кæцытыл абон уынаффæ кæ-нæм бæстæйы уæлдæр къухдариуæгадимæ.
Ис бирæ фарстатæ, кæцытæ æмхуызон актуалон сты куыд Цæгат Ирыстоны, афтæ Хуссар Ирыстоны дæр, цæвиттон, инвестицитæ æрбакæнын, чысыл æмæ астæуккаг амалиуæгады рæзт. Фæлæ мах хъæуы, цæмæй Цæгат Ирыстон æмæ Хуссар Ирыстоны ‘хсæн бастдзинæдтæ бангомдæр уой æрмæст бæрзонд æмвæзадыл нæ, фæлæ æххæсткæнынадон хицауиуæгады органты структурон дæлхæйтты æмвæзадыл дæр. Уый фадат дæтты кæрæдзийы фæлтæрддзинад исынæн, импульс дæтты нæ экономикон, социалон бастдзинæдтæн. Уырны мæ, нæ разы цы хæстæ æрæвæрдтам, уыдон царды ныббиноныг кæнын махæн нæ бон кæй бауыдзæн æмæ кæй райсдзыстæм дырыс фæстиуæг», – йæ рады банысан кодта Томайты Хъазбег.
Уый бузныджы ныхæстæ загъта, рæдауæй сæ кæй райстой, уый тыххæй æмæ банысан кодта, зæгъгæ, цы фæндæттыл цыд дзырд, уыдонмæ бæстæйы къухдариуæгад равдыста æмбаргæдзинад æмæ дарддæр æмгуыстадмæ цæттæдзинад.
Зæрдыл æрлæууынæн банысан кæнын хъæуы уый, æмæ 2013 азы Республикæ Цæгат Ирыстон Алани æмæ Республикæ Хуссар Ирыстоны Хицауадты ‘хсæн Социалон-экономикон, зонадон-техникон æмæ культурон æмгуыстады тыххæй арæзт кæй æрцыд сразыдзинад.
Республикæ Хуссар Ирыстоны Хицауады официалон сайт
Comments are closed, but trackbacks and pingbacks are open.