Республикæ Хуссар Ирыстоны Президент Гаглойты Аланы бахæсмæ гæсгæ æххæстгæнæг хицауады органтæ хæрзæфснайд кæнынц, рагон аргъуантæ æмæ культурæйы æндæр объектты алыварс территоритæ.
Хуссар Ирыстоны Хъахъхъæнынады министрады контролы бын сты Присы хъæумæ æввахс фидар æмæ бæрзæнд «Паук»-ы кувæндоны территоритæ.
Ныртæккæ Присы хъæуы аргъуанон комплексы территорийыл хæрзарæзтады æмæ æфснайæн куыстытæ фесты, брæттæ ласт æрцыдысты ардыгæй æмæ республикæйы æмбæстæгтæн сæ бон у сæрибарæй рагон аргъуанмæ бацæуын, кæцы ис горæт Цхинвалы сæрмæ, – хъусын кæны Хъахъхъæнынады министрады пресс-службæ.
Территори æфснайыны ма хайад райстой национ æфсады командæйы хайадисджытæ, кæцытæ хайад райстой Æхсæнадæмон æфсады хъæзтытæ «Танковый биатлон»-ы конкурсы. Куыстытæ фæуыны фæстæ командæйы хайадисджытæ фидары сæрмæ ныссагътой ирон тырыса, кæцы семæ уыд конкурсты рæстæджы.
Æввахс рæстæджыты Хъахъхъæнынады министрады дæлхæйттæ æрæвналдзысты бæрзæнд «Паук»-ы чысыл кувæндоны территори æфснайынмæ дæр.
