Республикæ Хуссар Ирыстоны Президент Бибылты Анатоли хайад райста Кæсæг-Балхъары Республикæйы сæргълæууæджы бынатмæ Казбек Коковы бацæуыны церемонийы.
Паддзахады сæргълæууæг Казбек Коковæн раарфæ кодта бæрзонд паддзахадон бынатмæ бацæуыны тыххæй æмæ йын йæ цæст бауарзта æппæт снысангонд хæстæ æххæст кæныны æнтыстдзинад.
«Ныфс мæ ис, хъуыддагон миниуджытæ, принципиалондзинад æмæ райгуырæн республикæмæ уарзондзинады фæрцы, дæуæн кæй бантысдзæн дæ плæнттæ сæххæст кæнын.
Ныфс мæ ис, дæ архайд ног импульс кæй ратдзæн Хуссар Ирыстон æмæ Кæсæг-Балхъары ахастыты рæз-тæн, цæмæй нæ адæм, куыд бирæ æнусты дæргъы, цæрой хæларæй, кæрæдзи æмбаргæйæ, кад кæной сæ традицитæн. Фидар æнæниздзинад дæуæн æмæ Кæсæг-Балхъары æппæт адæмæн», – загъта Бибылты Анатоли.
Цытджын церемонийы ма хайад райста Цæгат Кавказы федералон зылды УФ-йы Президенты минæвар Александр Матовников, кæцы банысан кодта Республикæ Кæсæг-Балхъары рæзтмæ æппæтварсон æххуыс.
Ног æвзæрст сæргълæууæг Казбек Коковы бæрндзинад æмæ бæрзонд компетентондзинад банысан кодта УФ-йы Цæгат Кавказы хъуыддæгты фæдыл министр Сергей Чеботарев. Уый ма бузныджы ныхæстæ загъта республикæйы раздæры къухдариуæггæнджытæн иууыл зындæр рæстæджыты сæ хайбавæрды тыххæй.
«Ды фондз азы дæргъы хæсдзынæ бæрндзинады уаргъ. Регионы раз æвæрд æрцыд ахæм хæс, цæмæй уæлæмхас инвестицитæ йæхимæ здаха, араза экономикон рæзты ног бындуртæ, уыдоны ны-мæцы – туризм, сæудæджерады рæзт æмæ социалон фадыг фæхуыздæр кæна.
Кавказы хъуыддæгты фæдыл министрад алы хатт дæр ис сымахимæ, кæм хъæуы, уым», – загъта Сергей Чеботарев.
Ацы æрмæджытæ дæр бакæс:
НÆ ТЫХ – ИУДЗИНАДЫ, НÆ ХЪЫСМÆТ – УÆРÆСЕИМÆ
Бибылты Анатоли хайад райста мемориал байгом кæныны церемонийы
Адæмы æууæнк – стыр бæрны хъуыддаг
Стратегион иртасынæдты уæрæсейаг институты Тыбылты Леониды доклад «Кавказы Уæрæсейы геополитикон позицитæ сфидардæр кæныны Хуссар Ирыстоны нысаниуæг»
Республикæ Хуссар Ирыстоны Парламенты Уынаффæ
Comments are closed, but trackbacks and pingbacks are open.