Республикæ Хуссар Ирыстоны Президент Бибылты Анатоли хайад райста Донецкы Адæмон Республикæйы Сæргълæууæг Александр Захарченкойæн фæстаг хæрзбон зæгъыны церемонийы. Фыдохы мадзал уагъд æрцыд Александр Соловьяненкойы номыл Донецкы паддзахадон академион оперæ æмæ балеты театры бæстыхайы.
Бибылты Анатоли ма дидинджытæ сæвæрдта, Донецкы Адæмон Республикæйы сæргълæууæг цыран амард, уым, афтæ ма бацыд Донецкы Спасо-Преображенаг кафедралон аргъуанмæ æмæ скуывта Александр Захарченокойы уды æнцойады тыххæй.
«Александр Захарченкойы тыххæй дзурæн ис æнæхъæн суткæтæ. Йæ æвæрццаг миниуджыты, патриотизмы, цардмæ, йæ адæммæ, йæ республикæмæ уарзондзинады тыххæй. Æз зонын, цы йæ фæндыд саразын, цæуыл сагъæс кодта. Стыр хъыгаг у, Сашæйы тыххæй ныр ивгъуыд афоны кæй дзурæм. Æз ахæм адæймаг нæ зыдтон, кæцы афтæ йæхи снывонд кодта йæ адæмæн. Йæ адæмы сæраппонд радта йæ цард дæр», – загъта Бибылты Анатоли.
РХИ-йы Президенты æмæ Хицауады пресс-службæ
Comments are closed, but trackbacks and pingbacks are open.