РХИ-йы Президент Бибылты Анатоли хайад райста Донецкы Адæмон Республикæйы хъайтар Мамиты Олегы мысæн митинджы
Республикæ Хуссар Ирыстоны Президент Бибылты Анатоли хайад райста мысæн митинджы, кæцы уагъд æрцыд Донецкы Адæмон Республикæйы хъайтар, легендарон батальон «Пятнашка»-йы командир Мамиты Олегы бюст байгом кæныны æмæ мемориалон комплекс «Хъайтарты Аллея»-йæн бындур æрæвæрыны сæраппонд, кæцы уагъд æрцыд Донецкы Ленинон фæскомцæдисы номыл культурæ æмæ улæфæн парчы.
Мадзалы хайад райстой Донецкы Адæмон Республикæйы Сæргълæууæг Денис Пушилин, Донецкы Адæмон Республикæйы Адæмон Советы Сæрдар Владимир Бидевка, РЦИ-Аланийы Парламенты депутат Уадтаты Зелимхан, Донбасы бархи æфсæддонты цæдисы къухдариуæггæнæг Александр Бородай, Донецкы Адæмон Республикæйы хъайтар Ахра Авидзба, батальон «Пятнашка»-йы командир Андрей Кузин, Мамиты Олегы цардæмбал Ларисæ йæ фырт Зауыримæ.
«Æфсымæртæ æмæ хотæ! Æз бузныг дæн, Донбасы, Донецкы Адæмон Республикæйы не ‘мзæххоны ном кæй æнусон кæнынц, уыцы адæймаджы, кæцы йæ царды фæстаг азтæ снывонд кодта рæстдзинадыл, цардыл, йæ принциптыл тох кæныныл», – загъта Бибылты Анатоли.
Донецкы Адæмон Республикæйы Сæргълæууæг Денис Пушилин, йæхи ‘рдыгæй, банысан кодта, зæгъгæ, иу аз рацыд, не ‘хсæн куы нал ис Мамиты Олег, стыр адæймаг, Донецкы Адæмон Республикæйы æцæг хъайтар.
«Цахæм адæймаг, хæлар, хæстон афицер уыд Мамиты Олег, уый мысгæйæ, зын ссарæн у ахæм адæймаг, кæцы йе ‘взæры кой ракæна. Æцæгæйдæр, уыцы адæймаг йæ зæрдæйы сидтмæ гæсгæ ныууагъта йæ сабыр цард æмæ хæстмæ æрцыд, уымæн æмæ хатыд, кæм ис рæстдзинад æмæ кæм ис знаг. Æмæ Донецкы Адæмон Республикæйы цæрджытæ æгæрон бузныг сты йæ сгуыхтдзинæдтæй.
Абон мах гом кæнæм Мамиты Олегы бюст æмæ уый у Хъайтарты аллеяйы райдиан. Паддзахад фидæны сæраппонд хъуамæ æнусон кæна нæ хъайтарты нæмттæ. Уый у иууыл къаддæр, нæ бон цы у саразын. Мах нырма бирæ хъæуы саразын – уæлахизы онг нæ хъæуы бацæуын. Уый у нæ хæс. Æмæ йæ сараздзыстæм», – загъта Денис Пушилин.
Цырт байгом кæныны бар лæвæрд æрцыд Мамиты Олегы бинонтæн – йæ цардæмбал æмæ йæ фыртæн.
Митинг фæцис дидинджытæ сæвæрыны церемонийæ. Легендарон «Мамай»-йы ном æрымысынмæ æрбацыдысты Донецкы Адæмон Республикæйы 500 цæрæгæй фылдæр.
Зæрдыл лæууын кæнæм, 2014 азы майы мæйы Мамиты Олег ( йæ фæсномыг «Мамай») бархийæ æрцыд Донецкы Адæмон Республикæ бахъахъхъæнынмæ. Уый уыд Донбасы бархи æфсæддонты цæдис аразджытæй сæ иу æмæ специалон нысаниуæджы полк «Пятнашка»-йы командир. Йæ хæстонтæ æмæ афицертæн «Мамай» уыд тызмæг, фæлæ раст командир, знагæн та уыд æнæбафидаугæ ныхмæлæууæг. Мамиты Олег алы хатт дæр лæууыд раззаг рæнхъыты.
РХИ-йы Президенты пресс-слжубæ
Comments are closed, but trackbacks and pingbacks are open.