Æвзонг поэтессæ, актрисæ æмæ телеуадзæг ныр та хайад райста рок-оратори «Черный январь. Прощенное воскресенье»-йы. Æмæ та ам дæр йæ арæхстдзинад æмæ курдиатæй йæхимæ æркæсын кодта. Уникалон культурон-рухсадон проект «Непокоренные» æвдыст цыд Ног Манежы. Проекты хайад райстой Мæскуы, Луганскы Адæмон Республикæ æмæ уæрæсейаг æндæр регионты артисттæ. Рок-ораторийы æвæрды сюжет бындуриуæг кæны æцæг цаутыл, кæцыты дзырд цæуы «Æвзонг гварди»-йæ æвзонг антифашистты хъайтарон архайд æмæ трагикон амæлæты тыххæй.
Николь ралæууыд Люба Шевцовайы ролы. Проекты хайад истой Елена Яковлева æмæ Светлана Сурганова. «Артисттæ ахъазыдысты æппæт зæрдæйæ. Ног Манежы цæугæ æмæ раздæры цауты æппæт атмосферæ æрбаиу ис. Алцыдæр ивы, аивта техникæ, фæзындысты сылгоймаджы базыртæ, кæцытæ хæссынц циндзинад дæр æмæ мæлæт дæр, фæлæ адæймаг баззайы уыцы иугъуызон адæймагæй. Ис адæм, кæцытæ æмбарынц Райгуырæн бæстæ, иудзинад цы у, уый», — загъта йæ хъуыдытæ Уæрæсейы Федерацийы адæмон артист Владимир Машков.
Проекты режиссер æмæ аивадон къухдариуæггæнæг у театралон преми «Золотая маска»-йы лауреат Владимир Панков.
Comments are closed, but trackbacks and pingbacks are open.