Паддзахадон инспекцийы управленийы дæттын райдыдтой ног форматыл арæзт бары гæххæттытæ автомашинæ скъæрынæн. Уыдон бындуронæй хицæн кæнынц зæронд бары гæххæттытæй. Сæйраджыдæр уымæй, æмæ ног бланкты категориты æмрæнхъ ис дæлкатегоритæ дæр.

«Уыцы ногдзинад у æнæмæнгхъæуæг ныры дуджы, цæмæй шофыртæн дæр æнцондæр уа æмæ инспектортæн дæр. 2016 азы РХИ-йы Парламент бахаста ивындзинæдтæ «Фæндагон змæлды æдасдзинад»-ы Закъонмæ æмæ уый фæстиуæгæн арæзт æрцыдис бары гæххæттыты ног формæ, кæцы бафидар кодта йæ бардзырдæй Мидхъуыддæгты министр. Ног бары гæххæттытæ дзуапп дæттынц ныры домæнтæн, куыд гъæдæй, афтæ формæйæ дæр. Раздæр уыдысты гæххæттæй арæзт, ныр та сты пластикæй», – банысан кодта Паддзахадон инспекцийы управленийы хистæры хæдивæг Ходты Сергей.

Бары гæххæтт райсынæн йæ фиддон фæфылдæр, – раздæр уыд 580 сомы, ныр та у 800 сомы. Йæ райсыны тыххæй хъæуы автоскъолайы курсытæ рацæуын, радтын фæлварæнтæ куыд теорийæ, афтæ машинæ скъæрынæй дæр. Бары гæххæттæн йæ ивыны рæстæг куы æрцæуа, уæд йе сног кæнынæн хъæуы РХИ-йы æмбæстаджы паспорт бавдисын, медицинон къамис рацæуын æмæ паддзахадон фиддон бафидын. Иу азы æмгъуыдмæ куы фесæфа бары гæххæтт, уæд медицинон къамис нал хъæуы цæуын, уымæн æмæ медицинон справкæйæн рæстæг ис иу аз.

ДЖИОТЫ Александр

Ацы æрмæджытæ дæр бакæс:

Ма халæм уынгты змæлды уагæвæрд Бабæрæг кодтой æхсæнгарз дарыны уавæртæ Default ThumbnailБары гæххæттытæ кæмæ нæ уа, уыцы таксистты ивар кæндзысты Æнахъомтимæ куыст бæрнон куыст у Default ThumbnailАрæнгæрон зонæйы хæдзарадон архайд чи кæнынц, уыцы æмбæстæгтæн зонынæн

Comments are closed, but trackbacks and pingbacks are open.