Лæггад кæнынц бæлццæттæн

   Адӕймаг арæх фӕндагыл лӕуд у ӕмӕ цӕмӕй рӕстӕгыл фӕндараст кӕна, уый тыххӕй фылдæр фæпайда кæны æхсæнадон транспортæй. Раст у, ӕмбӕстӕгтӕй бирӕтӕ пайда кӕнынц хисӕрмагонд хӕдтулгӕтӕй, фӕлӕ уӕддӕр ӕхсӕнадон транспортӕн дӕр ис йӕхи бӕлццӕттӕ ӕмӕ сын фӕхъӕуы ӕрвылбонон лӕггад. Нӕ республикӕйы ацы къабазы куыст куыд цӕуы, уый тыххӕй мын радзырдта РХИ-йы автомобилон транспорты управленийы генералон директор Дудайты Альберт.

Уый куыд банысан кодта, уымӕ гӕсгӕ раздӕр азты цы рейстӕ уыд, уыдон се ‘ппӕт дӕр абоны бон уӕ-вынад кӕнынц ӕмӕ сӕ лӕггадӕй хайджын сты нӕ цӕрджытӕ. Фӕзынд ма сæм ног рейстӕ Дзауы районы Синагур ӕмӕ Знауыры районы иу дӕрддаг хъӕумӕ. Ам бахынцыд ӕрцыд цӕрджыты домӕн ӕмӕ сӕм къуыри иу хатт цӕуы транспорт банысангонд бонты. Горӕты кусынц ахӕм маршруттӕ, куыд 2-аг, 3-аг, 4-æм, 5-ӕм, 6-ӕм, Мӕскуыйаг микрорайон ӕмӕ БАМ-мӕ. Республикӕйæ æдтæмæ автотранспорт цӕуы ӕрмӕстдӕр Дзӕуджыхъӕумӕ. Ис ма нӕм фӕндтӕ, цӕмӕй цӕуой ног рейстӕ республикӕйӕн ӕддӕмӕ, фӕлӕ уыдон срӕвдз кӕнын фылдӕр баст у бӕлццӕтты нымӕцыл, – зӕгъы дарддæр Дудайы фырт. Æхсæнадон транспорты куыст райдайы райсомы 7 сахат ӕмӕ 30 минутыл ӕмӕ аххӕссы суанг изӕрмӕ.

 Транспорты фæрæзты тыххӕй та загъта, зӕгъгӕ сын амӕйразмӕ нӕ Хицауад радих кодта Уӕрӕсейы ӕххуысы фӕрцы транспорты 14 иуӕджы. Хорз уаид, ноджыдӕр ма нӕм куы ӕрбафтид ног транспорт, уымӕн ӕмӕ нӕм ис зæронд транспорт ӕмӕ арӕх сӕ куыстӕй ӕрлӕууынц. Кӕй зӕгъын ӕй хъӕуы, ацы фарстыл дӕр дзырд цӕуы ӕмӕ сӕ ныфс ис, нӕ Хицауад ыл кӕй бакусдзӕн ӕмӕ уӕд скъуыддзаг ӕрцӕудзӕн ӕвӕрццагӕй. Банысан кӕнын хъӕуы уый, ӕмӕ бӕлццӕтты нымӕц кӕй фӕкъаддӕр, йӕ аххосаг у, хисӕрмагонд транспорт кӕй фылдӕр кӕны, уый. Уымӕ гӕсгӕ уый мӕгуырауӕрдӕм ӕндавы управленийы куыстыл.

 Транспорт хӕлын дӕр зоны ӕмӕ сӕ ӕвӕстиатӕй срӕвдз кӕныныл бакусынц. Куыд загъта, уымӕ гӕсгӕ сӕ дӕлбар ис раздӕры автобустӕцалцӕггӕнӕн завод, уым кусы 6 слесары дыууӕ сменӕйӕ. Цалцӕгкӕнинаг транспорт срӕвдз кӕнынц управленийы фӕрӕзтӕ ӕмӕ фӕсауӕрцон хӕйттӕй. Фӕлӕ хатт вӕййы афтӕ дӕр, ӕмӕ бынаты нӕ разыны ивӕн хӕйттӕ, уӕд та сӕ самал кӕнынц Уӕрӕсейы горӕттӕ Ростов кӕнӕ Краснодары. Управленийы сӕргълӕууӕг ма катай кодта, нӕ иуӕй-иу бӕлццӕттӕ, уӕлдайдӕр та скъоладзаутӕ сӕ тых кӕй бафӕлварынц транспорт ӕмӕ ӕрлӕууӕн бынӕттыл, кӕй сын разнаггад кӕнынц.

Ӕнӕуый та шофыртӕн бӕлц цӕттӕм ис хорз ахаст, сӕ хӕстӕ ӕххӕст кӕнынц цӕсгомджынӕй.

                   ХУЫБИАТЫ Никъала