Кредиттæ хъуамæ хардз цæуой сæ нысаниуæгмæ гæсгæ

Республикæ Хуссар Ирыстоны Президент Бибылты Анатоли байхъуыста Хицауады Сæрдары хæдивæг – Экономикон рæзты министр Бекъойты Геннадийы докладмæ чысыл æмæ астæуккаг амалиуæгадтæн льготон кредиттæ радтыны фæдыл закъон среализаци кæныны тыххæй. Президент æмæ вице-премьер æруынаффæ кодтой экономикон здæхты æндæр проекттыл дæр.

  «2018 азы мах радтам 49 кредиты 21 милуан 600 сомы. Сæйра-джыдæр хъусдард здæхт æрцыд хъæууон хæдзарады къабазмæ. 2019 азы мах радтам кредиттæ 25 милуан 600 сомы амалиуæггæнджытæн. Фæстаг кредиттæ лæвæрд æрцыдысты иу мæйы размæ. Уыцы къуылымпыдзинад уымæн уыд, æмæ амалиуæггæнджытæй цалдæрæн сæ бон нæ бацис сæ гæххæттытæ бацæттæ кæнын. Уымæ гæсгæ суммæйы иу хай æндæртыл дих æрцыд», – загъта Бекъойты Геннади.

Бибылты Анатоли банысан кодта, закъоны æнтыстджынæй æххæст кæныны ахсджиаг фæрæз хъуамæ суа проекттæ реализаци кæныныл контроль.

«Афтæ нымайын æмæ, фыццаджыдæр хъусдард хъуамæ здæхт цæуа проекттæ реализаци кæныныл контролмæ, цæмæй афтæ ма рауайа æмæ мах цы кредиттæ радтам, уыдон бавдыстгонд нысанæн хардз ма ‘рцæуой. Æмæ ма хъусдард здахын хъæуы Фондмæ процентты æрбацыдтытыл, цæмæй фидæны фадат уа фылдæр адæмæн кредиттæ радтын. Дыууæ, æртæ азы фæстæ суммæ фæсерьезондæр уыдзæн, уымæй сымахæн уæ бон уыдзæн серьезон проекттæн кредиттæ дæттын», – загъта Президент.

 Уый ма Бекъойты фыртæн бахæс кодта, цæмæй контроль кæна Инвестпрограммæйы уыцы проектты арæзтадыл, кæцытæ реализаци цæуынц Экономикон рæзты министры руаджы.

Министры ныхæстæм гæсгæ, æмфинанскæнынады фæлгæтты, кæцы бæрæг у экономикæйы реалон секторы, реализаци цæуы дыууæ проекты.

«Уыдон сты дыууæ хиды, кæ-цытæ цæуынц Натурпланты завод-мæ æмæ дыууæ модулон трансформаторон пункты. Дыккаг проект – сæнуадзæн «Иронсæнæн» æххуыс кæнын. Дарддæр мах кусæм Цхинвалы районы интенсивон типы дыргъдæттæн  æмæ ма ноджы къорд проекты фæдыл баххуыс кæныны хъуыддагыл», – загъта Бекъойты фырт.

Бибылты Анатоли сæрмагондæй банысан кодта Хуссар Ирыстонмæ инвестортæ æрбахоныны ахсджиагдзинад.

«Инвесторы, кæцы Хуссар Ирыстоны экономикæмæ хæссы   æхцайы фæрæзтæ æмæ аразы кусæгон бынæттæ, хъуамæ  ныфс уа йæ æхцайы бавæрдтытæ кæй нæ фесæфдзысты. Хъуамæ инвестор æмæ паддзахад æххæстбæрцæй æххæст кæной сæ разылæууæг хæстæ. Уæд проекттæ уыдзысты æнтыстджын æмæ æвдисдзысты, Хуссар Ирыстоны экономикæйы кæй хъæуы æхцайы фæрæзтæ бавæрын», – загъта Президент.

Уый ма зæрдыл æрлæууын кодта, Экономикон рæзты министрадæн хæслæвæрды тыххæй, цæмæй ногæй сбæрæг кæной хъæууон цæр-джыты донæй сифтонг кæныны фæдыл цъайтæ буркæныны æргътæ.

«Адæм хъаст кæнынц буркæныны бæрзонд аргъы тыххæй. Æз уæ домдтон, цæмæй сымах саразат лæмбынæг хыгъд. Кæцыдæр хъæуты ис доны цухдзинад. Æмæ цъайтæ буркæнын у ацы уавæрæй рахизын», – загъта Президент.

Бекъойты Геннади радзырдта, зæгъгæ, къух фыст æрцыд кæройнаг планон калькуляцийыл, кæцы-мæ гæсгæ буркæныны аргъ хъæуы цæрджытæн фæкъаддæр ис 35 проценты – цъайтæ къахыны иу метр 2500 сомæй æрхауд 1950 соммæ.

Бибылты Анатоли банысан кодта, уый раст æмæ хъæугæ уынаффæ кæй у. «Курæг дæ дæн, цæмæй хъæуы администрацийы сæргълæуджыты онг фæхæццæ кæнай ацы уынаффæ æмæ аиуварс кæнæм адæймаджы фактор æмæ йæ бон макæмæн суа, мах цы суммæ сбæлвырд кодтам, уымæй фылдæр æркурын», – загъта Президент.