Республикæ Хуссар Ирыстоны Президент Бибылты Анатоли хайад райста стыр ирон поэт, драматург, публицист, нывгæнæг, ирон литературон æвзаджы бындурæвæрæг Хетæгкаты Леуаны фырт Къостайы райгуырдыл 160 азы сæххæсты цытæн бæрæгбонон мадзæлтты.
Егъау бæрæгбонон мадзал традицимæ гæсгæ уагъд æрцыд Цæгат Аланийы Алагиры районы Нары хъæуы, цыран райгуырд Хетæгкаты Къоста. Æрвылаз дæр поэты гуырæн боны ардæм æрцæуынц бирæ адæм.
Адæмон поэты стеллæйы раз дидинджытæ сæвæргæйæ, Бибылты Анатоли РЦИ-Аланийы Сæргълæууæг Битарты Вячеславимæ бацыдысты Хетæгкаты Къостайы мемориалон хæдзар-музеймæ, кæцыйы æфснайд сты поэты, йæ уды хъæддыхдзинад æмæ сæрибаруарзондзинады тыххæй мысинæгтæ. Поэты чингуытæ æмæ фыстæджытæ æвæрд сты хæдзар-музейы экспозицийы предметты хуызы, рагон музыкалон инструменттæ, хæдзарон дзаумæттæ та æвзæрын кæнынц национ ирон хуыз.
Уый фæстæ Ирыстоны хуссар æмæ цæгат хайы бирæнымæц делегацитæ ацыдысты бæрæгбонон кæртытæм, цыран Хуссар Ирыстоны Дзауы район æмæ Цæгат Ирыстоны районтæ адæмы размæ рахастой национ къæбицы æппæт хъæздыгдзинæдтæ æмæ ирæтты цардуаджы хиæдтæ.
Уазджытæн æмæ æппæт æрæмбырдуæв-джытæн, бæрæгбоны цытæн раарфæ кæн-гæйæ, Хуссар Ирыстоны Президент банысан кодта Хетæгкаты Къостайы æгæрон хайба-вæрд Ирыстоны культурæмæ. Бибылты Ана-толи йæ рахуыдта хуымæтæг адæмы барты сæрыл тохы тырыса.
«Абон мах æрæмбырд стæм Къостайы райгуырæн хъæуы, цæмæй стыр поэты æрымысæм, кæцы йæ фæд æрмæст литературæйы нæ ныууагъта. Йæ поэтикон æмбырдгонд «Ирон фæндыр» у гениалон поэты уды энциклопеди, кæцыйы иттæг ирдæй зыны Райгуырæн зæхмæ уарзондзинад æмæ мæгуыр, æфхæрд адæммæ тæригъæддзинад.
Йæ алы уацмыс дæр у уды стыр хъомыс, рæстдзинад æмæ сæрибардзинадмæ тырнындзинад æвдисæг. Йæ æнæмæлгæ «Ирон фæндыр»-ы Къоста равдыста ирон адæмы царды зындзинæдтæ æмæ æргомæй сидт иудзинадмæ æмæ кæрæдзиæм-барынадмæ», – загъта уый.
Йæ рады, РЦИ-Аланийы Сæргълæууæг Битарты Вячеслав банысан кодта, зæгъгæ, Хетæгкаты Къоста йæ адæмы фæдзæхста, цæмæй цæрой æнгом æмæ кæрæдзи æмбаргæйæ.
«Уый бæрзонд систа ирон литературон æвзаг. Йе сфæлдыстады фæрцы цæры нæ фыдæлты хъайтардзинад æмæ кад, нæ хæдбындур культурæ», – загъта уый.
Мадзæлттæ фесты ирд, зæрдæскъæф мадзæлттæй. Цæгатирыстойнаг театры артисттæн бантыст зынгæ поэты фæлгондзы уд бауадзын. Бирæнымæц сценæмæкæсджыты раз равдыстой Хетæгкаты Къос-тайы цардæй чысыл эпизодтæ, йæ æнæмæлгæ уацмысты скъуыддзæгтæ. Театрализацигонд равдыст баххæст æрцыд Цæгат Ирыстоны бæхты театры равдыстæй.
Comments are closed, but trackbacks and pingbacks are open.