РÆЗЫ ГУЫРÆН ХÆДЗАРЫ НОГ БÆСТЫХАЙ
Алы паддзахадæн дæр сæйраг у йæ адæмы æнæниздзинад. Уыцы хъуыддаг хорз æмбарынц нæ республикæйы разамынад æмæ арæзт цæуынц медицинон объекттæ, цæмæй цæрджытæн фадат уа се ‘нæниздзинад банывыл кæнынæн.
Саби у царды ратæдзæн æмæ уыдон хъуамæ гуырой æмбæлон уавæрты. Уымæ гæсгæ скъуыддзаг æрцыд, цæмæй арæзт æрцæуа ног гуырæн хæдзар æмæ дзуапп дæтта нырыккон домæнтæн. Уый арæзт цæуы, гинекологион, гуырæн æмæ æнхъæлцау сылгоймæгтæ кæм уой, ахæм хайадтимæ. Уыдзæнис ма дзы, сывæллæттæм фыццаг рæстæджы кæм базилой, ахæм хайад. Куыд бæрæг у, афтæмæй йæ арæзтадæн рахицæн æрцыд 480 милуан сомы. Йæ иумиаг фæзуат проектмæ гæсгæ уыдзæн 5 300 квадратон метры бæрц. Арæзт та цæуы Инвестпрограммæйы фæлгæтты.
Бестауты Валя
Comments are closed, but trackbacks and pingbacks are open.