Стыр сæрдыгон фестиваль байгом кæныны церемонимæ, кæцы уагъд æрцыд «Сириус»-ы федералон территорийыл æрбацыдысты 5 мин сценæмæкæсæджы. Мадзал уагъд æрцыд open-air форматы. Фестиваль байгом кодта Мариинаг театры аивадон къухдариуæггæнæг Гергиты Валери Игорь Стравинскийы музыкæйы концерты оркестримæ. Уый радзырдта, зæгъгæ, иннæ аз «Сириус»-ы музыкалон концерттæ гæнæн ис баххæст уой спектаклтæй театры артистты хайадистæй. Уыдон уыдзысты куыд гом арвы бын, афтæ сценæйыл ралæудтытæ дæр. «Мæн фæнды, цæмæй ам, «Сириус»-ы дидин кала, мах кæмæн лæггад кæнæм, уыцы хъуыддаг. Тагъд рæстæджы цæттæ уыдзæн концертон зал, цыран хорз акустикæйы хъуысдзысты стыр спектаклтæ æмæ оперæтæ. Хъуыды кæнын афтæ, æмæ иннæ аз иууыл цымыдисондæр суыдзæн ам спектаклты фæзынд: костюмтимæ, декорацитимæ, хор æмæ оркестримæ. Ис нын сæвæрынæн тынг бирæ уацмыстæ. Гæнæн ис æмæ йæ байгом кæнæм спектакль «Евгений Онегин»-æй, кæнæ – комикон оперæйæ. Уый гæнæн ис уа «Пиковая дама», Мусоргскийы стыр уацмыстæ. Уый расайдзæн стыр цымыдисдзинад», – загъта Гергиты Валери.
Фестиваль уагъд цæуы «Сириус»-ы 15 июлæй 18-æм сентябрмæ. Концерттæ уагъд цæудзысты зонад æмæ аивады Парчы Стыр залы æмæ Майданон фæзуаты гом сценæйыл, кæцы сæрмагондæй арæзт æрцыд Олимипион парчы зæрдæйы ацы проектæн.
Comments are closed, but trackbacks and pingbacks are open.