Зынаргъ æмфыдыбæстæйонтæ!
Арфæ уын кæнын паддзахадон бæрæгбон – Конституцийы боны цытæн!
23 азы размæ Хуссар Ирыстоны ногдæр историйы æрцыд хъысмæтскъуыддзаггæнæн цау – æппæтадæмон хъæлæсæппæрстæй ист æрцыд Республикæ Хуссар Ирыстоны Конституци. Уый сбæрæг кодта нæ паддзахады рæзты сæйраг здæхт, ссис йæ дарддæры рæзты фидар бындур.
Республикæ Хуссар Ирыстоны Конституци у паддзахаддзинады сæйраг атрибут, ифтонг кæны нæ паддзахады организацийы демократон принциптæ, æмбæстæгты политикон æмæ экономикон сæрибардзинæдтæ. Адæм сты суверенитет хæссæг æмæ Республикæ Хуссар Ирыстоны хицаудзинады иунæг гуырæн.
Конституци ист æрцыд зын рæстæджы. Сæйраг Закъон райсгæйæ, Хуссар Ирыстоны адæмæн фадат фæзынд рæзты фæндаг сбæрæг кæнын æмæ хæдбар, суверенон паддзахады цæрын, цыран сæйраг æргъад у адæймаг, йæ бартæ æмæ йæ сæрибардзинæдтæ, кæцытæ бындуриуæг кæнынц рæстдзинад, закъондзинад æмæ барвæткы принциптыл.
Конституци сфидар кодта хицауады æппæт къабазты эффективон куысты бæрæг фæткойтæ, ссис нæ адæмы иудзинад сфидар кæнын æмæ йæ социалон хъахъхъæнынады бындур. Махæй алчидæр хъуамæ æххæст кæна Конституцийы нормæтæ, ауда национ традицитæ, ирон адæмы уникалон историон æмæ культурон исад хъахъхъæныныл. Нæ хæс у фæллой кæнын нæ разылæууæг хæстæ æххæст кæнын æмæ нæ фидæн аразын.
Зынаргъ æмфыдыбæстæйонтæ!
Ацы нысаниуæгджын боны алкæмæн дæр мæ зæрдæ зæгъы æнæниздзинад, фæрныгад æмæ сомбоныл æууæндын, æппæт нæ адæмæн та сабырад æмæ дидинæфтыд. Уадз, Конституцийы бон æнгом кæнæд æппæт нæ тыхтæ дарддæры арæзтадон куысты тыххæй Республикæ Хуссар Ирыстоны хæрзиуæгæн!
