«Дæ тырыса æмæ дын дæ гимн цæмæн байстой, уымæн хъуамæ уа конкретон аххосаг. Фæстаг Олимпиадæтæ нын æнæ националон символ-тæй цæй тыххæй рацыдысты, уый кæд растыл никуы нымадтон, уæддæр нын æй конкретон æгъдауæй загътой æмæ йæ зыдтам. Нырыккон уавæр та бынтон æндæр истори у.

Мæхи фидар хъуыды зæгъдзынæн. Нæ йæ зонын, æмткæй не спорты, Уæрæсейы Олимпиаг комитеты разамонджытæ  кæнæ нæ бæстæйы президент мемæ сразы уыдзысты æви нæ, фæлæ æз сæрибар паддзахады цæрын æмæ мын ис бар мæ хъуыды зæгъынæн: мах ныртæккæйы уавæры Олимпиаг хъæзтытæм нейтралон тырысаимæ ацæуыныл куы сразы уæм, уæд спортуарзджыты, æнæхъæн æхсæнады æнæуынон фестдзыстæм. Æхсæнад ныддихтæ уыдзæн.

Сæдæгай мин бинонтæн сæ хæстæджытæ ныртæккæ сты сæрмагонд æфсæддон операцийы.  Цы уæлдай у, 23, 35 æви 50 азы цæуы уыцы нæл-гоймæгтыл. Хæсты раззаг хаххы акъоппыты бадынц уыдон, алы уысм сæ цардæн тæссаг уавæры хæцынц знаджы ныхмæ, цæмæй мах ам æнцад-æнцойæ цæрæм, цæмæй нæ тырыса сæрыстырæй фæйлауа нæ сæрты.

Цæргæ та хорз кæнæм, афтæ нæу? Хуыздæр хæринæгтæ нæ фынгыл, хуыздæр отельты цæрыны фадат нын ис, ерысты нæ тыхтæ æвзарæм.  Æз спортсменæн мæ уд дæр ратдзынæн, ууыл хъуамæ мачи дызæрдыг кæна. Фæлæ нырыккон уавæры æз мæ спортсментæй иуæн дæр нæ зæгъдзынæн: «цы фæндыйæ дæр, уадз æмæ урс нейтралон тырысаимæ, ды æнæмæнг хъуамæ ацæуай Олимпиадæмæ».

Ацы хъуыды мæ хисæрмагонд хъуыды у. Ныртæккæ æз Корейæмæ æнæ гимн æмæ тырысаимæ чи ацыд, Китайы та Æхсæнадæмон олимпиаг комитеты тырысаимæ чи уыдис, ахæм спортсмен куы уаин, фондз сызгъæрин майданы рамбулыны ныфс мæ куы уаид æмæ мын куы зæгъиккой, зæгъгæ, радон Олимпиадæмæ ацу ÆОК-ы урс тырысаимæ – ницыхуызы сразы уаин.

Мæ кузен, ме ‘фсымæр уым, сæрмагонд æфсæддон операцийы кæй ис æмæ йæм æдзух мæ зæрдæ кæй æхсайы, æрмæст уый тыххæй нæ, фæ-лæ, мæ райгуырæн зæхх тынг кæй уарзын, фыццаджыдæр уымæн нæ бакомин Олимпиадæмæ ацæуын.

Цæрæнбонты ныл уæдæ сæ къæхтæ хъуамæ сæрфой? Мæнмæ гæсгæ, уымæн быхсæн нал ис».

Социалон хызæгтæй ист æрмæг

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.