«Кавказский узел» куыд  хъусын кæны, уымæ гæсгæ 26-æм июлæй «гуырдзиаг активисттæ»  патрул кæнын райдайдзысты Хуссар Ирыстонимæ арæныл Хъарапина-Бершуеты фадыджы. Уый ис Ленингоры районы хуссарирыстойнаг Æмдзæрины хъæуы районы. Цы нысан кæны ацы гуырдзиаг акци? Ахæм фарстимæ нæ уацхæссæг бахатыд постконфликтон бæстонкæнынады фæдыл РХИ-йы Президенты Æххæстбарджын минæвар Джиоты Муратмæ.

Фыццаг рады, ацы æмæ ахæм гуырдзиаг акцитæ нысан кæнынц уый, æмæ сæ аразджытæ кæй нымайынц Гуырдзыстон æмæ Хуссар Ирыстоны ‘хсæн арæны уæвынады реалондзинад, кæцы дзуапп нæ дæтты сæ плæнттæн æмæ бæллицтæн, æмæ уымæ гæсгæ периодикон æгъдауæй уадзынц алыгъуызон акцитæ нæ паддзахадон арæнмæ æввахс районты. Гуырдзыстоны ‘рдыгæй арæн патруль кæныны фæдыл акци дзуапп дæтты пропагандистон провокациты сценарийæн æмæ у уыцы деструктивон «митингты» дарддæргæнæг, кæцыты æрæджы уагътой ацы районты Тбилисæй æрбацæугæ «активисттæ». Сæ нысан у Хуссар Ирыстон æмæ уæрæсейаг арæнхъахъхъæнджытыл радон мæнг азымтæ сæвæрын.

Хъуыддаг уый мидæг ис, æмæ гуырдзиаг хицауады нæ фæнды дзуапп дæттын, Хуссар Ирыстон сын бирæ хæттыты цы фæндон фехъусын кодта, уымæн, ома, дыууæфарсон æгъдауæй Республикæ Хуссар Ирыстон æмæ Гуырдзыстоны ‘хсæн паддзахадон арæны хахх банысан кæнын. Хуссар Ирыстоны æмбæлон службæтæ цалдæр азы дæргъы кусынц арæнты амонæнтæ æмæ инжненерон арæзтæдтæй банысан кæныны фæдыл. Уыимæ æппæт куыстытæ дæр уагъд цæуынц æрмæстдæр хуссарирыстойнаг территорийыл, Гуырдзыстоны территоримæ нæ бавналгæйæ. Уæрæсейаг арæнхъахъхъæнджытæ, кæцытæ Хуссар Ирыстоны сты РХИ æмæ Уæрæсейы Федерацийы ‘хсæн дыууæфарсон сразыдзинадмæ гæсгæ, Республикæ Хуссар Ирыстоны паддзахадон арæн хъахъхъæнынц сæ мандатмæ гæсгæ æмæ нæ архайынц арæнтæ нысан кæныныл. Афтæмæй сæ адресыл азымтæ сты барæй арæзт пропагандистон провокацитæ, кæцы къух аразы куыд бынæттон гуырдзиаг цæрджытæн, афтæ (фыццаг рады) дунеон æмæхсæнадæн дæр. Æниу, дунеон хъусдарджыты хъуыды æмхуызон нæу гуырдзиаг пропагандæимæ. Ацы мæйы райдианы Бершуеты районы митингтæ уагъд куы цыдысты, кæцытæ, ома, расайдтой «арæнгæнæн амонæнтыл Гуырдзыстоны ‘рдæм кæй ахæцыдысты», уый фæс-тиуæгæн, уæд Гуырдзыстоны Евроцæисы хъусдарджыты Мисси ралæууыд сæрмагонд хъуысынгæнинагимæ, цыран банысан кодта, зæгъгæ, амонæнтæ Гуырдзыстоны территорийыл æвæрд не ‘рцыдысты. Уый тыххæй Миссийы скритикæ кодтой алыгъуызон гуырдзиаг тыхтæ.

26-æм июлы акцийы хуызæттæ, тынг тæссаг сты арæнты районты æдасдзинадæн, уымæн æмæ уыдон арæзт цæуынц провокациты тыххæй æмæ сæ бон у уавæр фæвазыгджындæр кæной. Афтæмæй бæрндзинад æвæрд æрцæудзæн гуырдзиаг фарсыл, кæцы бар дæтты ахæм акцитæ аразынæн.

РХИ-йы Президент æмæ Хицауады пресс-службæ

Comments are closed, but trackbacks and pingbacks are open.