Фæскавказы Æдасдзинад æмæ стабилондзинады фæдыл женевæйаг дискусситы 46-æм раунды тыххæй дзыллон информацийы фæрæзтæн хуссарирыстойнаг делегацийы хъусынгæнинаг.

2018 азы 11-12 декабры Женевæйы уагъд æрцыд Фæскавказы æдасдзинад æмæ стабилондзинады фæдыл дунеон дискусситы 46-æм раунд, кæцытæ уагъд цæуынц 2008 азы 12-æм августы æмæ 8-æм сентябры Медведев-Саркозийы райсгæ бадзырдтæм гæсгæ. Дискусситы хайад райстой Республикæ Хуссар Ирыстон, Республикæ Абхаз, Гуырдзыстон, Уæрæсейы Федераци æмæ АИШ-ы делегацитæ, афтæ ма Евроцæдис, ИНО æмæ ЕÆÆО-йы минæвæрттæ. Хуссарирыстойнаг делегацийы сæргъ лæууыд фæсконфликтон бæстонкæнынады фарстыты фæдыл РХИ-йы Президенты æххæстбарджын минæвар Джиоты Мурат.

Куыст цыд дыууæ кусæгон къорды: æдасдзинад æмæ гуманитарон фарстыты фæдыл. Фыццаг кусæгон къорды саргъ кодтой Гуырдзыстоны арæнгæрон территоритимæ æдас-дзинад æмæ стабилондзинады уавæрæн. Абаргæйæ, уавæр нымад æрцыд стабилоныл æндыгъддзи-нады элементтимæ, кæцыты расайдтой гуырдзиаг фарсæрдыгæй дарддæр уагъдцæуæг пропагандистон ак-цитæ Исахъы хъæуы районы арæныл.

Хуссарирыстойнаг делегаци банысан кодта, хуссарирыстойнаг-гуырдзиаг паддзахадон арæныл хахх снысан кæнын æмæ ацы хаххыл æмбæлон инженерон арæзтадтæ  равæрыны фæнды тыххæй, æмæ ногæй æрсидт гуырдзиаг фарсмæ Хуссар Ирыстон æмæ Гуырдзыстоны ‘хсæн паддзахадон арæны делимитаци æмæ демаркацийы фæдыл иумиаг куыстмæ.

Хуссарирыстойнаг делегаци фе-хъусын кодта,  цæхгæр протест, Хуссар Ирыстоны цалдæр æмбæстаджы Гуырдзыстоны хицауад Интерполы хаххы фæдыл æнæбындурæй фæдагуырдмæ кæй радта, уый тыххæй. Дискусситы дарддæр уынаффæ цыд тыхæй ма спайда кæныны фæдыл дискусситы æппæт хайадисджыты иумиаг хъусынгæнинаджы текст бакусыны тыххæй. Банысанчындæуыд, зæгъгæ, хуссарирыстойнаг делегаци ацы хъусынгæнинаджы нымайы Гуырдзыстоны ‘рдыгæй Хуссар Ирыстоны æдасдзинады фидар гарантитæ сифтонг кæныны æмæ регионалон æдасдзинады уæвæг конст-рукци сфидардæр  кæныны фæндагыл ахсджиаг æмæ æнæмæнгхъæуæг къахдзæфыл.

Хуссар Ирыстон, Абхаз æмæ Уæрæсейы минæвæрттæ равдыстой серьезон катайдзинад, Гуырдзыстоны территорийыл НАТО-йы уæвынад кæй тынгдæр кæны æмæ æфсæддон блокмæ Гуырдзыстоны интеграцийы фæдыл къахдзæфтæ кæй активондæр кæнынц, уый фæ-дыл. Уæлдай катайдзинад æвзæрын кæны Вазианийы æфсæддон аэродромы арæзтады фæдыл плæнттæ æмæ 2019 азы радон егъаумасштабон бирæнацион ахуыртæ ауадзыны плæнттæ. Бацамындæуыд, зæгъгæ, Хуссар Ирыстоны арæнтæм æввахс НАТО-йы контингенты хайадистæй æфсæддон ахуыртæ  сты регионалон стабилондзинад æмæ æдас-дзинадæн тæссагдзинад хæссæг фактор.

Уынаффæ кæныны рæстæджы хуссарирыстойнаг фарсæрдыгæй банысанчындæуыд стабилон уавæр бахъахъхъæныны тыххæй инциденттæ иуварс кæныны иумиаг механизмы нысаниуæг. Дунеон æмæхсæнадæн Хуссар Ирыстоны негативон фæлгондзы равдисын, ома, республикæйы уæвынад кæнынц социалон-экономикон æмæ гуманитарон проблемæтæ, гуырдзиаг хицауады бафæлвæрдтытæн дзуаппæн, хуссарирыстойнаг делегаци дыууæ кусæгон къорды дæр апарахат кодта документалон æрмæджытæ Хуссар Ирыстоны социалон-экономикон рæзты ахсджиагдæр цауты тыххæй, уыцы нымæцы социалон, ахуырадон фадыджы объектты, фæндагон инфраструктурæйы арæзтады тыххæй, кæцытæ æххæст цæуынц Уæрæсейы Федерацийы æххуысы руаджы.

Лæмбынæг ныхас цыд гуманитарон фарстыты фæдыл, фыццаг рады хъусдард здæхт æрцыд Хуссар Ирыстоны æбæрæгæй сæфт æмбæстæгты хъысмæтмæ. Банысанчындæуыд, зæгъгæ, ацы фарст тагъддæр скъуыддзаг куы æрцæуид, уæд æвæрццагæй бандавид женевæйаг дискусситы атмосферæйыл дæр.

Ногæй та серьезон хъусдард здæхт æрцыд Гуырдзыстоны – Хъазбеджы районы (Тырсыгомы) райгуыргæ ирæтты бартæ гуымир æгъдауæй хæлд кæй цæуынц, уымæ, кæцытæн цалдæр азы дæргъы сæ бон нæу сæ райгуырæн хъæутæм бацæуын. Дискусситы хуссарирыстойнаг хайадисджытæ ногæй фарст сæвæрдтой Хуссар Ирыстонæн уникалон иконæтриптих раздахыны тыххæй, кæцыйы адавдæуыд хуссарирыстойнаг музейæ æмæ ныртæккæ ис Гуырдзыстоны. Афтæ ма кæрæдзийæн сæ хъуыдытæ загътой къорд æндæр гуманитарон фарстыты  фæдыл.

Лигъдæтты проблемæйы фæдыл дискусситæ ацы раунды уагъд нæ цыдысты.  Лигъдæтты тематикæйыл уынаффæ сног кæнынæн фадат уыдзæн, æрмæстдæр  ацы проблемæйы фæдыл барæй аразгæ политизацийы тыххæй Гуырдзыстоны бафæлвæрдтытæ урæд куы æрцæуой, уæд.

Женевæйаг дискусситы 46-æм раунды хæдразмæ уагъд æрцыд информацион сесси «Сылгоймæгтæ, сабырдзинад æмæ æдасдзинад»-ы темæйы фæдыл.

Женевæйаг дискусситы фæлгæтты радон фембæлд план цæуы 2019 азы апрелы ауадзын.

Comments are closed, but trackbacks and pingbacks are open.