РХИ-йы Культурæйы министрады пресс-службæ куыд фехъусын кодта, афтæмæй 24 майы Хуссар Ирыстоны культурæйы министр Остъаты Мадинæ æмæ Италийы Хуссар Ирыстоны Фæсарæйнаг хъуыддæгты министрады минæвар Мауро Мурджа ацы аз апрелы цы сразыдзинæдтæ сарæзтой, уыдон фæлгæтты Цхинвалмæ æрцыд италиаг делегаци, кæцыйы сконды сты Россинийы номыл консерваторийы профессор Франческа Матачена æмæ амалиуæггæнæг Энрико Дэлипера.

Уыцы бон италиаг делегациимæ фембæлд Республикæ Хуссар Ирыстоны культурæйы министр Остъаты Мадинæ.

Фембæлды рæстæджы РХИ-йы культурæйы министр раарфæ кодта уазджытæн æмæ банысан кодта, зæгъгæ, нырæй фæстæмæ ахæм фембæлдтытæ суыдзысты регулярон. Уый куыд загъта, афтæмæй культурæйы сферæйы кæрæдзийы фæлтæрддзинадимæ зонгæ кæнын у ахсджиаг хъуыддаг.

Культурæйы  министрады  пресс-службæ куыд фехъусын кодта, афтæмæй æмкуысткæнынады программæйы фæлгæтты 2016 азы август — сентябры Цхинвалы киноконцертон зал «Чермен»-ы ауагъдæуыдзæн италиаг кинойы къуыри æмæ Италийы та — хуссарирыстойнаг нывгæнджыты равдыстытæ.

Пресс-службæйы куыд радзырдтой, афтæмæй италиаг делегаци куы æрцыд, уыцы бон Æлборты Феликсы номыл Цхинвалы музыкалон ахуыргæнæндоны профессор Франческа Матачена байхъуыста музыкалон скъолаты æмæ музыкалон ахуыргæнæндоны ахуыргæнинæгтæм. Уыимæ иумæ ма 26 майы 18.00 сахатыл Æлборты Феликсы номыл Цхинвалы музыкалон ахуыргæнæндоны актон залы уыдзæн профессор Франческа Матаченайы фортепианон концерт хуссарирыстойнаг музыкантты хайадистæй.

Comments are closed, but trackbacks and pingbacks are open.