Закъон бандераг идеологийы ныхмæ

Польшæйы сенат райста закъон «бандераг идеологи» пропагандæ кæнын ма уадзыны тыххæй. Бæстæйы сенат хорзыл банымадта украинаг националистты (бандероваг) идеологи пропагандæ кæныны фæдыл æмæ Холокосты полякты хайадисты фæдыл факттæ парахат кæныны тыххæй уголовон бæрндзинадмæ кæнын. Афтæ ма термин «польшæйаг мæлæты лагертæй»  пайда кæныны тыххæй ивар кæной кæнæ та рахæссой ахæстоны æртæ азы фæбадыны тæрхон.  Документыл йæ къух хъуамæ æрфысса паддзахады сæргълæууæг. Ацы закъон негативон реакци расайдта иуæй-иу бæстæтæм. АИШ-ы паддзахадон департамент уый размæ бафæдзæхста, зæгъгæ, ацы закъоны райст гæнæн ис æмæ йæ фæдыл расайа бæрæг фæстиуджытæ «Польшæйы стратегион интерестæн» æмæ сæ ахастытæ фæвазыгджындæр кæной Иугонд Штаттæ æмæ Израилимæ. Документ скритикæ кодта Израилы премьер-министр Биньямин Нетаньяху. «Закъоны проектæн бындуртæ нæй. Æз категорион æгъдауæй дæн йæ ныхмæ. Нæй гæнæн истори аивынæн. Нæй гæнæн Холокостæн «нæ» зæгъын», – банысан кодта уый. Украинæйы Фæсарæйнаг хъуыддæгты министрад фехъусын кодта, зæгъгæ, Польшæ фæлвары украинæгты «фыдгæнæг националисттæй» равдисынмæ. Петр Порошенко æрсидт Варшавæмæ «объективондзинад æмæ диалогмæ».

 

Равæрдзысты «Искандертæ»

УФ-йы Хъахъхъæнынады министрады фехъусын кодтой, ракетон комплекстæ «Искандр-М» Цæгат Ирыстон æмæ Калининграды областы равæрынмæ цæттæ кæй сты, уый тыххæй. Калининграды дислокацигонд ракетон баиугонды командир Анатолий Городецкий загъта, зæгъгæ, ракетон комплекстæ «Искандер-М» равæрыны тыххæй арæзтадон-монтажон куыстытæ фесты. Цæгат Ирыстонæй йæ коллегæ Сергей Сукочев дæр банысан кодта, зæгъгæ, æфсæддон ведомство æрцæттæ кодта инфраструктурæ ацы ракетон комплекстæ республикæйы равæрыны тыххæй. Информацион портал Contra Magazin-ы   афæлгæсæг Эрнест Пленер æрæджы фыста, зæгъгæ, «Искандерты» тыххæй дзургæйæ, Уæрæсемæ ис хæцæнгарз, кæцы æнцонтæй гæнæн ис æмæ ныппырх кæна (пробить) Европæйы ядерон уарт. Йæ ныхæстæм гæсгæ, Калининграды областæй комплекс «Искандер-М»-ы ракетæйæн йæ бон у ядерон заряд хæссын æмæ Варшавæмæ 2 минутмæ батæхын æмæ Берлинмæ та – цыппар минутмæ. Афтæ ма уацы банысанчындæуыд, зæгъгæ, Ныгуылæнæн йæ бон нæу «Искандер-М»-йы æрцахсын, иуæй йæ тагъдады æмæ иннмæй та йæ атахты бæрзонддзинады тыххæй. Оперативон-тактикон ракетон комплекс «Искандер-М»-йæн йæ бон у 500 километры дæрддзæгмæ нысæнттæ куынæг кæнын.

 

Бахæс сын кодта ерыстæ

сорганизаци кæныны тыххæй

УФ-йы Президент, уæрæсейаг спортсментæй Зымæгон Олимипион хъæзтытæм чи цæуы, уыдонимæ фембæлды фæстæ æмбæлон ведомствотæн ба-хæс кодта бæстæйы спортсментæй Пхенчханы Олимипион хъæзтытæм кæй нæ бауагътой, уыдонæн хицæн ерыстæ ауадзыны тыххæй. Президенты пресс-секретарь Дмитрий Песковы ныхæстæм гæсгæ, паддзахады сæргълæууæг бахæс кодта ацы ерысты фæстиуджытæм гæсгæ уæлахиздзауты премитæй схорзæхджын кæныны тыххæй Олимипион ерысты премиты бæрцмæ гæсгæ.

Скритикæ кодта «кремлаг доклады»

АИШ-ы «кремлаг номхыгъд»-ы публикаци æмæ номхыгъды цы адæймæгтæ ис, уыдоны ныхмæ санкцитæ бакæнын гæнæн ис фæвазыгджындæр кæна евроатлантикон ахастытæ, – фехъусын кодта Роберт Бошы номыл немыцаг фонды Централон æмæ Скæсæйнаг Европæ сахуыры кæныны фæдыл центры сæргълæууæг, æддагон политикæйы фæдыл гермайнаг комитеты уæнг Штефан Майстер. Экспреты ныхæстæм гæсгæ, санкцитæ баконд куы æрцæуой, уæд Евроцæдис æмæ Герман уыдоны нæ бафæзмдзысты. «Немыцаг æмæ европæйаг къорд политикы ныридæгæн загътой сæ хъуыды æмæ сæ позици у ахæм, зæгъгæ, уыдон нæ рахæцдзысты санкциты æвварс. «Кремлы доклад» гæнæн ис фæвазыгджындæр кæна АИШ æмæ Евроцæдисы ахастытæ», – загъта уый.

 

Ныхас кодтой телефоны

УФ æмæ Туркы Президенттæ Владимир Путин æмæ Реджеп Тайип Эрдоган телефоны ныхас кæнгæйæ, æруынаффæ кодтой Сочийы сирийаг национ диалогы конгрессы хатдзæгтыл. Уыдон банысан кодтой къухты бафтгæ баныхæсты реализацийы ахсджиагдзинад, кæцытæ здæхт сты ИНО-йы Æдасдзинады советы 2254-æм резолюцийы бындурыл Сирийы политикон бæстонкæнынады эффективон размæцыды процессмæ. Уымæй дарддæр ма уынаффæ кодтой дыууæфарсон базарадон-экономикон æмгуыс-тадыл дæр.

 

      ЦÆК фæцис кандидатты къухфыстытæ ист

УФ-йы ЦÆК фæцис президенты æвзæрстыты хайадисæг кандидатты регистрацийы тыххæй къухфыстытæ ист. Фæстаг бон ма ЦÆК-мæ сæ гæххæт-тытæ æрбахастой цалдæр хайадисæджы.

 

 Боксерты дунеон форум

Сочийы байгом боксерты фыццаг дунеон форум. Рабадтытæй дарддæр ма, цыран хайад райсдзысты æппæт боксерон организацитæ, форумы кульминаци суыдзæн суперсерийы Гасситы Мурат æмæ Юниер Дортикосы æрдæгфиналон тох.  Сочийы дунеон форум æрæмбырд кодта планетæйы тыхджындæр боксерон. Владимир Путин раарфæ кодта форумы хайадисджытæн. «Уырны мæ форум кæй ацæудзæн æнтыстджын æмæ конструктивонæй æмæ йæ уынаффæтæ та кæй сфидардæр кæндзысты спорты фадыджы æмгуыстад. Æхсызгон мын у, Уæрæсейы Боксы федерацийы инициативæйы æвварс кæй рахæцыдыстут, уый», – банысан кодта Путин.

 

Контактон къорды фембæлд

Донбассы фæдыл контактон къорды радон раунд уагъд æрцæудзæн Минскы 14-æм февралы.

 

Къухтæ æрфыстой фæндагон картæйыл

Уæрæсейы энергетикæйы министр Александр Новак  æмæ Сирийы электорэнергийы министр Мухаммед Зухейр Харбутли къухтæ æрфыстой 2018 азы æмæ уый фæстæ азты  энергетикæ æмæ электроэнергийы фадыджы æм-гуыстады фæндагон картæйыл, цыран хынцыд æрцыдысты Сирийы æндидзынад, модернизаци æмæ ног энергообъектты арæзтад.

 

Тæрхондоны уынаффæ

Спортивон арбитражон тæрхондон сæххæст кодта 28 уæрæсейаг спортсмены апелляцитæ, кæцыты цæрæнбонтæм Дунеон Олимпон комитет аиуварс кодта Олимпион хъæзтыты хайад райсынæй. Арбитражон тæрхондоны уынаффæйы руаджы уæрæсейаг спортсментæ раздахдзысты фараст майданы æмæ сын фадат уыдзæн Олимпион хъæзтыты хайад райсынæн. Æцæг, нырма бæрæг нæу, Кореяйы Зымæгон Олимипон хъæзтытæм сæ Дунеон Олимипион комитет фæхондзæн, уый.

 

Пхенчханы байгом Олимпион хъæу

Дунеон Олимипион комитеты президент Томас Бах официалонæй байгом кодта Пхенчханы Олимипион хъæу. 2018 азы Олимипадæйы хъæзтыты бæстæтæ-хайадисджыты делегацитæ цæрдзысты дыууæ Олимипон хъæуы. Фыццаг хъæуы, кæцы ис хæххон кластеры, æрцæрдзысты 3500 адæймаджы æмæ дыккаджы та, кæцы ис донбылгæрон  – 2700 адæймаджы. Ныридæгæн Пхенчханмæ æрцыд уæрæсейаг спортсменты  иу къорд.

 

Фæсарæйнаг хъуыддæгты

министрадты сæргълæуджыты фембæлд

Мæскуыйы фембæлдысты УФ æмæ Италийы фæсарæйнаг хъуыддæгты сæргълæуджытæ Сергей Лавров æмæ Анджелино Альфано. Италиаг министр банысан кодта, зæгъгæ, æгæрыстæмæй уæззау рæстæджыты дæр Итали æмæ Уæрæсейы ‘хсæн уыд хорз ахастытæ. Уæрæсе алы хатт дæр уыд Италийы ныфсджын партнер æмæ газæй ифтонггæнæг. «Мах фæнд кæнæм дарддæр дæр ацы хорз традици адард-дæр кæнын», – банысан кодта Альфано.

Информацион агентадты

хъусынгæнинæгтæм гæсгæ

Comments are closed, but trackbacks and pingbacks are open.