«Сæрмагонд амалиуæггæнджыты æфтиæгтæ 2015 азæй 2016 азмæ фæфылдæр сты 226 мин сомæй 620 мин соммæ. Афтæ ма уыцы нымæц хъуамæ фæ-фылдæр уа 700 мин сомы онг. Экспертты бæрæггæнæнтæм гæсгæ æнæбюджетон сферæйы кусджыты нымæц 2013 азы уыд 2691 адæймаджы æмæ 2016 азмæ фæфылдæр сты 4005 адæймаджы онг. Развæлгъау бацæттæгонд хатдзæгтæм гæсгæ та уыцы нымæц хъуамæ 2017 азæн суа 4100-4200 адæймаджы», – загъта пресс-конференцийы рæстæджы экономикон райрæзты министры хæдивæг Павел Ковальский.
Фæстаг азты фæфылдæр сты æддагон базарады бæрæггæнæнтæ дæр. 2015-2016 азты æддагбазарады æргътæ 2 миллиард 036 милуан сомæй фæфылдæр сты 2 миллиард 630 милуан сомы онг. 2017 азы хатдзæгтæм гæсгæ та хъуамæ суой 3 миллиард сомы.
Фæфылдæр сты РХИ-йы бюджеты хисæрмагонд æфтиæгтæ дæр. 2015 азы паддзахадон бюджеты æфтиæгтæ уыдысты 781,7 милуан сомы, 2017 азы та – 1 миллиард сомæй фылдæр.
Павел Ковальскийы ныхæстæм гæсгæ: «фæстиуджытæ арæзт æрцæудзысты фæстæдæр, фæлæ ныртæккæ фидарæй ис зæгъæн, базарад, хъæууон хæдзарады æмæ сæудæджерады статистикон бæрæггæнæнтæ кæй сты тынг хорз».
Ковальский ма куыд загъта, афтæмæй 2015 азы Хуссар Ирыстоны территорийыл реализаци æрцыд иунæг сæрмагонд инвестицион проект «БТК-4». Фæстæдæр республикæйы æрцыд бирæ нысаниуæгджын цаутæ. 2015-2016 азты райдыдтой кусын дзидзагуыстгæнæн комбинат «Растдон» æмæ ООО «Родники Осетии», кафе «Винченцо». Дыргъгуыстгæнæн проект «Сады Ирыстона»-йы фæлгæтты ныссагътой 50 гектары фæзуатыл фæткъуыйы талатæ. Æввахс рæстæджы эксплуатацимæ лæвæрд æрцæудзæн фондзуæладзыгон базарадон центр «Империал плюс». Ацы аз ма хъуамæ скусой ООО «Ир Базальт» æмæ донудзæн завод ООО «Натуралплант».
Хуссар Ирыстоны ис тынг хорз уавæртæ инвестицион архайд райтынг кæнынæн, республикæйы къухдариуæгад цæттæ у ацы фарсты алыгъуызон æххуыс бакæнынæн дæр», – нымайы Экономикон райрæзты министры хæдивæг.
«Ныртæккæ сæйраг фарста у, потенциалон инвесторты цæстæнгас раздахын, бауырнын сын кæнын, Хуссар Ирыстоны амалиуæгад райтынг кæныны æхцайы фæрæзтæ хардз кæнын кæй у æдас æмæ кæд ис хорз фæстиуджытæм æнхъæлмæ кæсæн», – загъта Ковальский.
Нæ республикæйы ма туризмы фадыджы дæр ис æнтыстытæ. Фæстаг рæстæджы нæ республикæмæ æрцыдысты 11 туристон къорды. Экспертты хъуыдымæ гæсгæ, ацы фадыджы сæйраг фарст у, республикæйы кæй нæй нырыккон æмвæзадыл уазæгдон, цыран туристтæ баулæфой удæнцойæ, комфортон уавæрты. Ацы хъуагдзинад аиуварс кæныны нысанæн ныртæккæ Цхинвалы арæзт цæуы цыппарстъалыджын, нырыккон домæнтимæ уазæгдон «Ирыстон».
Туристтæ нæ республикæмæ фылдæр куы цæуой, уæд уый бирæбæрцæй бандавдзæн нæ экономикæйы размæцыдыл дæр.
«Цæмæй туристты интерестæ фылдæрбæрцæй раздæхой Хуссар Ирыстонмæ, уый тыххæй хъуамæ зоной, ардæм æрцæуын кæй у æдас æмæ цымыдисон. Ацы фарсты фæдыл ныридæгæн куыст цæуы.
Ныфс нæ ис, æмæ æввахс рæстæджы кæй уыдзæн бæрæг æнтыстытæ», – банысан кодта Павел Ковальский.
Уазæгты Марфа
Comments are closed, but trackbacks and pingbacks are open.