ДÆ ЦÆСТ АХÆСС ДУНЕЙЫЛ

Лæвæрд ын æрцыд Уæрæсейы хъайтары ном

3-æм февралы Сирийы чи фæмард, уыцы уæлдæфон наускъæрæг Роман Филиповы мардбуар æрластой Уæрæсемæ.  УФ-йы Президент Владимир Путины барамындæй Филиповæн лæвæрд æрцыд Уæрæсейы Федерацийы Хъайтары ном йæ амæлæты фæстæ. Абон, 8-æм февралы хъайтар ныгæд æрцæудзæн йæ райгуырæн горæт Воронежы  Кады аллеяйы æфсæддон цытимæ.

Протесты акцитæ

Польшæ цы закъон райста, «бандероваг националистты пропагандæ кæ-нын ма уадзын», зæгъгæ, уый фæдыл протестон акцитæ уагъд æрцыдысты Украинæйы горæтты. Иууыл фылдæр адæм æрæмбырд, Луцкы цы акци уагъд æрцыд, уым. Æрæмбырдуæвджытæ домдтой, Польшæйы Сейм Национ мысынады институты тыххæй цы  закъон райста, уый аивын. Адæм æрæмбырд сты Львовы Польшæйы дипломатон минæварады цур. Акцитæ уагъд æрцыдысты Харьков æмæ Киевы дæр.

 

Бартхъирæн сæм кодта

бабырсынæй

Украинæйы раздæры хъахъхъæнынады министр Александр Кузьмук бартхъирæн кодта Варшавæмæ бабырсынæй. Йæ ныхæстæм гæсгæ, гæнæн ис æмæ йе ‘мфыдыбæстæйонтæ цæвæнгæрзтæ райсой кæнæ украинаг фæндзæм фронт бабырса Варшавæмæ. Фæлæ Польшæ нæ хъавы закъоны проект аивынмæ.

 

Æрцахстой чиновникты

5-æм февралы сæрмагонд рейсыл Махачкалайæ Мæскуымæ æрластой дагъыстайнаг чиновникты – республикæйы хицауады сæргълæууæджы хæстæ æххæстгæнæг А. Гамидов æмæ йæ дыууæ хæдивæджы Исаев æмæ Юсуфовы, афтæ ма республикæйы ахуырады раздæры министр Шаховы дæр фæдагурæн куыстытæ сæххæст кæныны тыххæй. УФ-йы Фæдагурæн комитеты уæлдай ахсджиагдæр хъуыддæгты равзарыны фæдыл сæйраг управлени ба-кодта уголовон хъуыддаг æхцайы фæрæзтæ хибакæныны фактты фæдыл. Чиновниктæ республикæйы бюджетæн зиан æрхастой 95 милуан сомы, сæхи сæ бакæнгæйæ. Дагъыстайнаг чиновникты куыст скритикæ кодта регионы сæргъ-лæууæджы хæстæ рæстæгмæ æххæстгæнæг Владимир Васильев. Ныртæккæ республикæйы кусы прокуророн къамис. Январы кæрон ахст æрцыд горæты мэр Мусаев æмæ сæйраг архитектор. Йæ куыстæй сæрибар æрцыд зæххы фæдыл ахастыты министр дæр.

 

Рахæцыд уынаффæйы фарс

Дунеон Олимпион комитеты 132-æм сесси фылдæр хъæлæстæй рахæцыд Уæрæсейы Олимпион комитеты дисквалификаци скæныны фарс 2014 азы Сочийы Олимпион хъæзтыты рæстæджы допингæй спайда кæныны цауты тыххæй. Лозаннайы Дунеон Олимпион комитеты æххæст рабадты ист æрцыд уынаффæ Уæрæсейы Олимпион комитеты рæстæгмæ дисквалификаци скæныны тых-хæй. Уæрæсейаг спортсментæ ерысты хайад исдзысты нейтралон тырысайы бын. Фæлæ фæстæдæр куыд фехъусынчындæуыд, уымæ гæсгæ Дунеон Олимпион комитет гæнæн ис сæ бартæ сæн-дидзын кæна хайгай кæнæ æххæстæй Уæрæсейы Олимипион комитетæн 2018 азы Олимпиадæйы кæронмæ.

 

Ныхас кодтой телефоны

Уæрæсе æмæ Ираны Президенттæ Владимир Путин æмæ Хасан Рухани телефоны уынаффæ кодтой Сочийы уагъдæрцæуæг сирийаг национ диалогы конгрессы хатдзæгтыл. Дыууæ бæстæйы сæргълæуджытæ банысан кодтой, зæгъгæ, ацы фембæлд хъуамæ суа сирийаг фарст политикон æгъдауæй аскъуыддзаг кæныны серьезон импульс. Уыдон бадзырдтой Астанайы баныхæсты форматы куыст адарддæр кæныныл. Афтæ ма Президенттæ æруынаффæ кодтой Ираны ядерон программæйы тыххæй. Ныхас кодтой Йемены æмæ Палестинæйы проблемæты тыххæй дæр.

 

***

УФ æмæ Ираны Фæсарæйнаг хъуыд-дæгты министртæ Сергей Лавров æмæ Мохаммад Джавад Зариф телефоны уынаффæ кодтой Сочийы сирийаг нацон диалогы конгрессы уынаффæтæ среализаци кæныны тыххæй. Фæрстæ кæрæдзийæн сæ хъуыдытæ загътой боны фæткы дунеон æмæ регионалон актуалон фарстыты фæдыл, Сочийы сирийаг национ диалогы конгрессыл акцент саразгæйæ, афтæ ма ацы аз Казахстаны 5-æм Каспийаг саммитмæ бацæттæ кæныны тыххæй.

 

Радзырдта баныхæсты тыххæй

Уæрæсейы æмæ Данийы Фæсарæйнаг хъуыддæгты министртæ Сергей Лавров æмæ Андерс Самуэльсен уынаффæ кодтой газуадзæн «Северный поток-2» саразыны тыххæй фарстыл. «Ныхас кодтам, цæмæй Данийы хицауад æркæса газуадзæн «Северный поток-2» саразыны бавдыстмæ», – банысан кодта Сергей Лавров. Йæ ныхæстæм гæсгæ, Данийы хицауадмæ æмбæлон сидт лæвæрд æрцыд 2017 азы апрелы мæйы. Проект «Северный поток-2»-йы хынцыд цæуы азы дæргъы 55 миллиард кубометры Уæрæсейæ Германмæ Балтийы денджызыл газуадзæн системæ саразын, украинаг транзит баивыны тыххæй.

 

Бахаудта йæм минæ

Дамаскы уæрæсейаг базарадон минæварадмæ æхстыты рæстæджы бахаудта 120-миллиметрон минæ. Минæварады кусджытæй ничи фæмард, фæлæ бæстыхайæн разианчындæуыд. Ацы атакæйы амæттæгтæ систы дыууæ сирийаджы.

Холокосты тыххæй закъон

Польшæйы Президент Анджей Дуда йæ къух æрфыста национ мысынады институты тыххæй сноггонд закъоныл, цыран банысангонд æрцыд, зæгъгæ, «польшæйаг мæлæты лагертæ»-йы формулировкæйæ чи спайда кæна, уыдон æмбæлонæй æфхæрд цæудзысты, афтæ ма Холокосты польшæйаг нацийы хайадисты тыххæй факттæ парахат кæныны тыххæй дæр, кæцыты республикæйы хицауад растыл нæ нымайы.

 

Зæххæнкъуыст Тайваны

Тайваны тыхджын зæххæнкъуысты фæстиуæгæн амард 4 адæймаджы, фæцæфтæ сты 200 адæймагæй фылдæр, æбæрæгæй сæфтыл нымад цæуынц 145 адæймаджы. Хъыгдард баййафджыты ‘хсæн сты Япон, Чехи æмæ Китайы æмбæстæгтæ.

 

Информацион агентадты

хъусынгæнинæгтæм гæсгæ