ДÆ ЦÆСТ АХÆСС ДУНЕЙЫЛ

Ног санкцитæ

АИШ-ы финансты министрад рауæрæхдæр кодта санкцитæ Цæгат Кореяйы ныхмæ. Санкцион номхыгъдмæ хаст æрцыдысты 16 физикон æмæ 9 юридикон цæсгомы. Афтæ ма санкцитæм бахаудтой æхсæз тæрхондоны, китайаг структурæты къорд æмæ Цæгат Кореяйы нефты сæудæджерады министрад. Санкциты фæстиуæгæн Пхеньян фе-сафдзæн йæ æфтиæгты 90%. Йæ рады ИНО-йы УФ-йы æдзухон минæвар Василий Небензя фехъусын кодта, зæгъгæ, Мæскуы рахæцыд Цæгат Кореяйы ныхмæ санкциты æвварс, уымæн æмæ, зæгъ, хорзыл нæ нымайы ацы бæстæйы ядерон амбициты.

 

Уынаффæ кодтой сирийаг национ диалогы конгрессыл

Уæрæсе æмæ Туркы фæсарæйнаг хъуыддæгты сæргълæуджытæ Сергей Лавров æмæ Мевлют Чавушоглу телефоны уынаффæ кодтой Сочийы сирийаг национ диалогы конгрессмæ бацæттæ кæныныл. Конгресс уагъд æрцæудзæн Сочийы 29-30 январы. Фæрстæ сæ хъуыдытæ загътой Сирийы уавæры фæдыл æмæ уынаффæ кодтой Сирийы конфликт æрбæстон кæнын къухты бафтын кæныны тыххæй æппæт гæнæнуæвæн мадзæлттыл.

Фыццаг модернизацигонд хæдтæхæг

Казаны арвмæ стахт фыццаг модернизацигонд хæдтæхæг Ту-160.  Уый у стратегион бомбæзгъалæджы сноггонд верси, кæцы дунейы у иууыл хъомысджындæр æмæ йæ бон у ядерон боеголовкæтимæ ракетæтæ уадзын. Æввахсдæр азты æфсад райсдзæн дæс ахæм машинæйы. Хæдтæхæджы фыццаг стахтмæ йæ хъус дардта Владимир Путин.

 

Уынаффæ кодтой Сири æмæ Цæгат Кореяйы уавæрыл

УФ-йы Фæсарæйнаг хъуыддæгты министр Сергей Лавров æмæ АИШ-ы паддзахадон секретарь Рекс Тиллерсон телефоны уынаффæ кодтой Сирийы цæгат районы операцийы, Сочийы сирийаг национ диалогы конгрессы тыххæй æмæ Кореяйаг æрдæгсакъадахы уавæрыл.

 

Райста отставкæ

Чехийы президент Милош Земан райста бæстæйы хицауады отставкæ Анд-рес Бабишы къухдариуæгадæй. Министрты кабинет саразынæн гæнæн нал уыд, Бабишмæ Евроцæдисæй йæ фирмæтæй сæ иуæн субсиди 2 милуан евро райсыны зæрдæ куы фехсайдта, уæд.

Фæфылдæр нефты аргъ

WTI-йы маркæйы нефты аргъ фыццаг хатт 2014 азы 8 декабрæй фæстæмæ схызт баррелæн 65 доллармæ, АИШ-ы энергетикон министрад бæстæйы «сау сыгъзæрин»-ы фæсауæрцтæ фæкъад-дæр кæныны тыххæй куы ныммыхуыр кодта, уый фæстæ.

АИШ-мæ бацыд фыццаг танкер

Уæрæсейаг æвзалыдонгуырты æргътæ разындысты  ныллæгдæр, цæгатамерикæйаг континенты конкуренттæй. Уæрæсейаг æлхъывд æрдзон газы фыццаг парти  Ямалæй АИШ-мæ фæхæццæ кодтой танкер Gaselys-ыл. Америкæйаг дзыллон информацийы фæрæзты бæрæггæнæнтæм гæсгæ, Вашингтон Уæрæсейæ æрвгъуыз æртаг балхæдта Штатты хурскæсæн донбылгæрон æргъ-тæ кæй схызтыты, уымæ гæсгæ, цыран газы мин кубометры аргъ схызт 6,3 мин доллармæ.

Байгом кодта Цыппурсы

бакастытæ

Патриарх Кирилл байгом кодта  Дунеон цыппурсы бакастыты форум Кремлы паддзахадон галуаны. Цыппурсы бакастыты 16 бæстæйы минæвæрттæ уынаффæ кæнынц нырыккон æхсæнады ахсджиагдæр фарстытыл.

Райста ног программæ

УФ-йы Президент Владимир Путин Уфайы мотоарæзтадон кондадон баиугæндмæ бацæуыны рæстæджы фехъусын кодта 2018-2027 азтæн гæрзифтонг кæныны ног паддзахадон программæ кæй райстой, уый тыххæй.  «Мах исæм, æмæ ныридæгæн райстам гæрзифтонг кæныны æмæ æдасдзинады программæ 2027 азмæ», – загъта уый. 2017 азы декабры кæрон Хъахъхъæнынады министрады коллегийы ныхас кæнгæйæ Путин фехъусын кодта, зæгъгæ, Уæрæсе хъуа-мæ  лидер уа ног фæлтæры æфсад саразыны .

Операци рауæрæхдæр кæндзæн

Турк фæуæрæхдæр кæндзæн «террористты» ныхмæ тох Сирийы æгас арæныл, – фехъусын кодта Реджеп Тайип Эрдоган. Мах зæгъ, асыгъдæг кæндзыстæм террористæй регионы. Анкара аххосджын кæны Америкæйы Иугонд Штатты, зæгъгæ, уыдон ныфс æвæрдтой Манбиджæй курдты ракæнынæй, фæлæ, дам, сæ ныхас нæ сæх-хæст кодтой.

Æрмæстдæр 169 спортсмены

Хуссар Кореяйы Олимпиадæмæ ацæудзысты 169 уæрæсейаг спортсмены. Хъыгагæн, зымæгон Олимпион хъæзтытæм нæ ацæудзысты уæрæсейаг тыхджындæр спортсментæй бирæтæ.

Информацион агентадты хъусынгæнинæгтæм гæсгæ