Нæ фыдæлтæм кæд ахуыргонддзинад фаг нæ уыд, уæддæр царды скъола хорз æмбæрстой. Чындзæхсæвтæ æмæ куывдтæ дæр фылдæр фæззæджы уымæн кодтой, сæ бæркад-иу куы ‘рбайстой, уæд.
Ныр иу фынддæс азы бæрц традицион сси Цæгат Ирыстоны æрвыл фæззæджы Республикæйы æмæ Дзæуджыхъæуы сырæзты бонтæ бæрæг кæнын. 25 æмæ 26 сентябры дæр та радон хатт Терчы былыл, Кесаты Колкайы уынджы Ирыстоны дзыллæ уæрæхæй сбæрæг кодтой Республикæйыл сæххæсты боны 247 азы æмæ Дзæуджыхъæуы сырæзты 237 азы бæрæгбон. Мадзалы фæдыл арфæйы телтæ æрбацыд Уæрæсейы бирæ горæттæ æмæ сыхаг республикæтæй.
Мадзал райдыдта ирон чъиритæ æмæ цыхты фестивалæй. Боны 12 сахатыл æрбацыдысты Цæгат Ирыстоны Сæргълæууæг Сергей Меняйло хицауады иннæ разамонджытимæ æмæ Дзæуджыхъæуы администрацийы минæвæрттæ. Семæ уыд уазджытæ Мæскуыйæ, Петербургæй, Цæцæнæй, Кæсæгæй, Керчæй, Хъырымæй… Республикæйы разамонæг фæхуыдта æмæ Ирыстонимæ базонгæ кодта йæ хæлæртты – денджызон флоты афицерты: Артем Бондаренко, Валерий Мо-нако æмæ Игорь Тимофеевы. Æртæ чъири æмæ бæгæныйы кæхцимæ сæ размæ рацыдысты Дзæуджыхъæуы базарадон-экономикон техникумы студенттæ, сæ сæргъы сæ директор Æбиты Валери, афтæмæй. Бæрæгбоны фæдыл республикæйы разамонæг арфæ ракодта Ирыстоны цæрджытæн:
«Мæ Зынаргъ æмзæххонтæ! Арфæ уын кæнын Республикæйы бон æмæ Дзæуджыхъæуы горæты боны фæдыл! Ахæм бæрæгбонтæ иу кæнынц адæмы. Нæ республикæйы цæры сабыруарзаг æмæ хæларзæрдæ адæм, уыдон сыгъдæгæй хъахъхъæнынц нæ кадджын фыдæлты фæрныг традицитæ æмæ æгъдæуттæ. Махæн нæ бон фидарæй зæгъын у, Ирыстонæн кæй ис стыр фидæн алы къабазы дæр. Мах хъуамæ иумæ республикæйы ракæнæм ног æмвæзадмæ. Цæй, уæдæ стыр ныфсимæ кæсæм нæ фидæнмæ, æххуыс кæнæм уарзон республикæйæн, фидардæр æй кæнæм алы хъуыддæгты дæр! Республикæйы боны хорзæх уæ уæд, зынаргъ æмзæххонтæ! Мæ зæрдæ уын зæгъы æнæниздзинад, уарзт æмæ амонд!».
Уый фæстæ Сергей Меняйло æмæ иннæ уазджытæ ацаходыдтой бæрæгбоны сæйраг хойраг чъиритæй æмæ фæрныг æфсинтæн зæрдиаг арфæтæ фæкодтой. Уый фæстæ федтой зындгонд фирмæ «Асик»-ы конд дзаумæттæ. Уазджытæ тынг цымыдисæй кастысты къухæй конд хæцæнгæрзтæм, кæрдтæм, хæдзары мигæнæнтæм, сылгоймаджы аивгæнæнтæм, куклæтæм, уæлæдарæсмæ, музыкалон инструменттæм… Стæй дарддæр азылдысты иннæ равдыстытыл. Равдисинаг та дзы уыд…
Фæзы айтыгъдысты республикæйы куыстуæттæ сæ продукциимæ: «Березка», «Аланские ледники», «Бухардон», «Прайс-Лист», «Бавария», «Анечка», «Ника», «Деликат», «Молоко Осетии», «Город мастеров», «Кофенберг» æмæ бирæ æндæртæ. Уыдон равæрдтой равзаргæ продукци хæлц æмæ æндæр товартæй. Равдыстытæй уæлдай ма дзы уыд армукъатæ дæр. Балхæнæн дзы уыд хойраджы продукттæ, сувениртæ…
Равдысты фыццаг хатт архайдта дзаумæттæ хуыйæн ног фирмæ «Рон». Уымæн ныридæгæн йæ ном æмæ йæ кад республикæйы арæнтæй ахызтызты. Уым хуыйынц алы адæмты национ – этникон дзаумæттæ. Адæм сын стыр цымыдисæй аргъ кодтой сæ куыстытæн.
Алыхуызон тематикон фæзтæ сæхимæ здæхтой адæмы цæст. Фенæн дзы уыд музейты экс-понаттæ, нывты æмæ къамты равдыстытæ, ссæдзæм æнусы райдайæны уагъд алыхуызон ретромашинæтæ, цæугæ кинотеатр æмæ Кванториум, Нарты фæз, къухæй конд сувениртæ. Æфсæйнагæй конд хæцæнгæрзтæ æмæ кусæнгæрзтæ æхсыста зынджытыл фæлтæрдджын куырд Марк æмæ йæ куысты сусæгдзинæдтæ амыдта,кæй фæндыд, уыдонæн. Сывæллæттæн дзы цалдæр раны уыд спортивон ерыстæ шахмæттæй, хъæбысæй хæцынæй, тых æвзарынæй. Хъазыдысты аргъæутты персонажтимæ, батуттыл. Алкæмæн дæр йæ бон уыд мастер-классты архайын.
13-æм скъолайы зындгонд сфæлдыстадон къорд «Талатæ» сæ «хæдзары къуымы» бамбырд сты сæ разамонæг Танделаты Розæимæ æмæ чи къуымбил пырдта æмæ æхсныста, чи бигæ кодта, чи нартхор æзгъæлста, чи авдæн уызта…
Бафиппайын хъæуы уый æмæ ацы бæрæгбоны фыццаг хатт чъиритæ кæй кодтой æрмæстдæр уæлдæр амынд техникумы ахуырдзаутæ лæппуйæ, чызгæй, сæ директор Æбиты Валерийы разамындæй. Дæс раны цы цатыртæ равæрдтой, уым æрмæстдæр змæлыдысты ацы æрыгон фæсивæд æмæ цы диссаджы чъиритæ æмæ дзыкка кодтой, уыдон адæмыл рæдауæй уæрстой. Иунæг къæбæр дæр æхцайыл уæй не ‘рцыд дыууæ боны дæргъы.
Бæрæгбон сæ аивадæй рафидауын кодтой республикæйы сфæлдыстадон къордтæ: «Уацамонгæ», «Амонд», «Нæртон», «Фидæн», Паддзахадон филармонийы адæмон инструментты оркестр, Дзанайты Ольгæйы Нæлгоймаг зарæггæнджыты хор, Суанты Кимы номыл эстрадон оркестр, Æрхонкæйы хъазахъхъаг зарæггæнджыты къорд «Станица», зарæггæнджытæ Тайсауты Олег, Газайты Ленæ, Цæрикъаты Феликс, бæрæгбоны цытджын уазæг Владимир Пресняков æмæ бирæ æндæртæ. Бæрæгбоны архайджытæ уæлдай зæрдиагдæрæй кастысты ирон хъазт – ирон алæмæттаг аивадмæ.
Хур дæр цыма адæмы циныл цин кодта, уыйау дыууæ боны дæргъы йæ хъарм тынтæй рæвдыдта алкæй дæр. Æнæхъæн Ирыстоны цин цыма уыцы фæзы нымбырд æмæ адæм уд æмæ зæрдæйæ кæрæдзимæ фæхæстæгдæр сты, афтæ зынд. Ахæм бæрæгбон хуыйны цины æмæ бæркады бæрæгбон.
25 æмæ 26 сентябры та изæры фараст сахаттыл арв ныррухс кодтой бæрæгбоны солюттæ.Равдысты фыццаг хатт архайдта дзаумæттæ хуыйæн ног фирмæ «Рон». Уымæн ныридæгæн йæ ном æмæ йæ кад республикæйы арæнтæй ахызтызты. Уым хуыйынц алы адæмты национ – этникон дзаумæттæ. Адæм сын стыр цымыдисæй аргъ кодтой сæ куыстытæн.
Алыхуызон тематикон фæзтæ сæхимæ здæхтой адæмы цæст. Фенæн дзы уыд музейты экспонаттæ, нывты æмæ къамты равдыстытæ, ссæдзæм æнусы райдайæны уагъд алыхуызон ретро-машинæтæ, цæугæ кинотеатр æмæ Кванториум, Нарты фæз, къухæй конд сувениртæ. Æфсæйнагæй конд хæцæнгæрзтæ æмæ кусæнгæрзтæ æхсыста зынджытыл фæлтæрдджын куырд Марк æмæ йæ куысты сусæгдзинæдтæ амыдта,кæй фæндыд, уыдонæн. Сывæллæттæн дзы цалдæр раны уыд спортивон ерыстæ шахмæттæй, хъæбысæй хæцынæй, тых æвзарынæй. Хъазыдысты аргъæутты персонажтимæ, батуттыл. Алкæмæн дæр йæ бон уыд мастер-классты архайын.
13-æм скъолайы зындгонд сфæлдыстадон къорд «Талатæ» сæ «хæдзары къуымы» бамбырд сты сæ разамонæг Танделаты Розæимæ æмæ чи къуымбил пырдта æмæ æхсныста, чи бигæ кодта, чи нартхор æзгъæлста, чи авдæн уызта…
Бафиппайын хъæуы уый æмæ ацы бæрæгбоны фыццаг хатт чъиритæ кæй кодтой æрмæстдæр уæлдæр амынд техникумы ахуырдзаутæ лæппуйæ, чызгæй, сæ директор Æбиты Валерийы разамындæй. Дæс раны цы цатыртæ равæрдтой, уым æрмæстдæр змæлыдысты ацы æрыгон фæсивæд æмæ цы диссаджы чъиритæ æмæ дзыкка кодтой, уыдон адæмыл рæдауæй уæрстой. Иунæг къæбæр дæр æхцайыл уæй не ‘рцыд дыууæ боны дæргъы.
Бæрæгбон сæ аивадæй ра-фидауын кодтой республикæйы сфæлдыстадон къордтæ: «Уацамонгæ», «Амонд», «Нæртон», «Фидæн», Паддзахадон филармонийы адæмон инструментты оркестр, Дзанайты Ольгæйы Нæлгоймаг зарæггæнджыты хор, Суанты Кимы номыл эстрадон оркестр, Æрхонкæйы хъазахъхъаг зарæггæнджыты къорд «Станица», зарæггæнджытæ Тайсауты Олег, Газайты Ленæ, Цæрикъаты Феликс, бæрæгбоны цытджын уазæг Владимир Пресняков æмæ бирæ æндæртæ. Бæрæгбоны архайджытæ уæлдай зæрдиагдæрæй кастысты ирон хъазт – ирон алæмæттаг аивадмæ.
Хур дæр цыма адæмы циныл цин кодта, уыйау дыууæ боны дæргъы йæ хъарм тынтæй рæв-дыдта алкæй дæр. Æнæхъæн Ирыстоны цин цыма уыцы фæзы нымбырд æмæ адæм уд æмæ зæрдæйæ кæрæдзимæ фæхæстæгдæр сты, афтæ зынд. Ахæм бæрæгбон хуыйны цины æмæ бæркады бæрæгбон.
25 æмæ 26 сентябры та изæры фараст сахаттыл арв ныррухс кодтой бæрæгбоны солюттæ.
Джусойты Нинæ
Comments are closed, but trackbacks and pingbacks are open.