Хъæууон фæллойгæнджытæн афæдзы алы афон дæр æнæвдæлон вæййынц, иу куысты фæс-тæ æрбалæууы æндæр æмæ йын ахсджиаг у, техникæйæ куыд ифтонг цæуы, уый. Ацы хъуыддаджы сын къух аразы «Ирагропромтехникæ», кæцыйы сæргъ лæууы Мамытаты Вахтъанг. Уый рæстæгæй-рæстæгмæ азилы районты хицæн хъæутыл, бабæрæг кæны техникæйы уавæр æмæ дзы кæд искæцы фехæлы, уæд сын баххуыс кæны се срæвдз кæныны. Зæгъын хъæуы, нæ республикæйы хъæууонхæдзарадон техникæ кæй базæронд, дзæвгар фæлæггад кодтой арендатортæ æмæ хицæн зæхкусджытæн. Уымæ гæсгæ хæлынц арæх æмæ сæ срæвдз кæнын та æнæмæнг фæхъæуы. Уый хорз æмбары Мамытайы фырт æмæ техникæ сцал-цæг кæнынæн ивæн хæйттæ самал кæны Уæрæсейы хицæн æмæ хицæн рæтты.
Ленингоры районы Цъинагары зонæйы уал сцæттæ кодтой 2 прессгæнæны, ацы æввахс бонты сцалцæг кæндзысты æртыккаг дæр æмæ сын уыдон уыдзысты фаг холладжы тыхтæттæ æрцæттæ кæнынæн. Директор райгонд у Знауыры районы Бахъаты хъæуы цæрæг Кокойты Вадимæй. Уый тынг хорз рæхсы техникæ цалцæг кæнынмæ æмæ куыстæввонгæй дары прессгæнæнты. Кокойы фырт уал Знауыры срæвдз кодта иу прессгæнæн, иннæ дыууæ дæр ацы æввахс бонты фæуыдзысты цалцæггонд. Æдæппæт ацы холлагæфснайæнтæй Цъинагары уыдзæн – 3, иу ахæм – Знауыры районы æмæ иу та – Цхинвалы районы. Хуымгæрдæнмæ та рацæудзысты æдæппæт 9 комбайны, уыцы нымæцы Цъинагары уыдзæн 4, Знауыры районы – 5 æмæ иу та – Цхинвалы районы. Иу комбайн та срæвдз кодтой нартхор кæрдынæн.
Хуыбиаты Никъала
