Бесланы скъолайы 2004 азы амынæтты иу къорд æрцыд нæ республикæмæ. Æрбаиу сæм сты ХИПУ-йы студентон клуб «Аполлон»-ы активисттæ æмæ иумæйаг балцы ацыдысты Хъелы цадмæ хæстæг Бесланы амæттæгты номыл цы цад фæлдыст æрцыд, уырдæм. Цад «Мады цæссыгтæ» денджызы æмвæзадæй у 3 мин метры бæрзæндæн.
Балцы фæдыл йæ тæлмæнтæ радзырдта теракты чи бахауд, уыдонæй сæ иу Бозырты Батрадз. «Мах рагæй зонæм Хуссар Ирыстоны Бесланы амæттæгты номыл цад кæй ныффæлдыстой. Зонæм, донлæууæн диссаджы фенддаг бынаты кæй ис æмæ йæ дон та мады цæссыгау рæсуг кæй у. Мах бахатыдыстæм ХИПУ-йы студентон клуб «Аполлон»-ы уæнгтæм, цæмæй нæ акæной æмæ нын фенын кæной цад. Уыдон уайтагъд равдыстой инициативæ. Ацы цадмæ хæстæг бацæугæйæ банкъардтон фидар энергетикæ. Уæд амынаты цы сывæллæттæ уыд, уыдонæн сæ хъуыдыкæнынады баззад доны тых. Бузныг зæгъын балцы немæ рацæуын чи нæ базивæг кодта, æппæт уыдонæн».
Йæ ныхæстæм гæсгæ, фидæн аз дæр бафæлвардзысты æндæр амынæтты скондæй къорд саразын æмæ цадмæ абалц кæнын.
Клуб «Аполон»-ы разамонæг Къадзты Олеся та загъта: «Балцы инициатортæ кæд беслайнæгтæ сæхæдæг уыдысты, уæддæр, мах, «Аполлон»-ы уæнгтæ дæр стыр разæнгардимæ ацыдысты. Ацы цады цалдæр хатты уыдысты «Бесланы мадæлты» ассоциацийы уæнгтæ. Фæлæ амынæты чи бахауд, уыдон æм фыццаг хатт сты. Ныфс нæ ис, ацы цадмæ стыр цымыдисдзинад кæй æвдисдзысты туристтæ дæр».
УАЗÆГТЫ Марфа
