Республикæ Хуссар Ирыстоны Президент Бибылты Анатоли раарфæ кодта Абхазы ног сæвзæрст Президент Рауль Хаджимбайæн йæ инаугурацийы цытджын церемонийы.
Абхазаг коллегæйæн арфæ кæнгæйæ, Бибылты Анатоли банысан кодта, зæгъгæ, æвзæрстыты хъæлæсæппæрст хатдзæг сарæзта Хаджимбайы архайдæн æмæ фенын кодта, раздæрау, æвзарджытæн сæ фылдæр сæ бæстæйы дарддæры рæзты перспективæ кæй бæттынц йæ номимæ.
«Рауль Джумкы фырты æмæ æнæхъæн республикæйы æнтыстæй бæрæг фæтыхджындæр абхазаг паддзахаддзинад. Бæрæгæй зыны æмбæстагон разыдзинады прогресс, барадон фæтк æмæ стабилондзинад, паддзахады закъондзинады фидардзинад», – банысан кодта Бибылты Анатоли.
Уый зæрдыл æрлæууын кæнынæн, зæгъгæ, Абхаз æмæ Ирыстоны адæмты «иу кæны бирææнусон хæлардзинад, кæцы йæ уидæгтæ ауагъта незаманты дуджы онг».
«Нæ бæстæтæ уæхски-уæхск цæуынц æхсæнадæмон хæдбардзинæдты банымад райсынмæ фæндагыл. Мæнæн æхсызгон у банысан кæнын уыцы нысаниуæгджын хайбавæрд, кæцы Рауль Джумкы фырт бахаста нæ бæстæты ‘хсæн хæларадон, æфсымæрон ахастытæм», – бахахх кодта хуссарирыстойнаг Президент. Абхазы Президентæн æй бафæндыд æнтыстытæ абхазаг паддзахады сæргълæууæджы бынаты архайды, абхазаг адæмæн та – сабырад, национ разыдзинад æмæ дидинæфтыд.
Рауль Хаджимбайæн раарфæ кодтой Цæгат Кавказы хъуыддæгты фæдыл министр Сергей Чеботарев, Донецкы Адæмон Республикæйы сæргълæууæг Денис Пушилин, Луганскы Адæмон Республикæйы сæргълæууæг Леонид Пасечник, Арæнгæрон æмкуысткæнынады фæдыл УФ-йы Президенты управленийы хистæр Алексей Филатов бакаст УФ-йы Президенты æххуысгæнæг Владислав Сурковы арфæ.
Абхазы Президентæн раарфæ кодтой УФ-йы Федерацийы Советы, Арцахы æмæ Приднестровьейы делегациты минæвæрттæ.
Comments are closed, but trackbacks and pingbacks are open.