Байтыдтой уал цалдæр хæдзарады

Ивгъуыд аз мæгуырау боныгъæдты аххосæй республикæйы бирæ хæдзарадтæн нæ бантыст фæззыгæнд мæнæуы культурæ байтауын. Фæлæ уæддæр иуæй-иу хæдзарадты зæхкусджытæн уый нæ уыд къуылымпыйы хос, спайда кодтой сæ фадæттæ æмæ уавæртæй æмæ уый фæстиуæгæн байтыдтой ацы культурæйæ Цхинвалы районы зæхкусæгон-фермерон хæдзарадтæ дæр. Цæвиттон, фермерон хæдзарадты ‘хсæн иууыл фылдæр фæззыгæнд мæнæу чи байтыдта, уый у «Икъорта»-æдæппæт 30 гектары. Мæр бахуым кæнын та иууыл фылдæр бантыст «Тъбет»-ы хæдзарадæн. Уыцы æнтыст та къухты бафтыд, йæ разамонæг цалдæр азы размæ кæй батыхст æмæ самал кодта трактор. Уый фæрцы уал сын а-фæззæджы бантыст 50 га. мæр бахуым кæнын. «Фат»-ы хæдзарад мæр бацæттæ кодта 10 га. æмæ йæ иууылдæр байтыдта, «Аз» бахуым кодта 17 га. æмæ таугæ та бакодта 3 га. «Æндидзынад» бахуым кодта 23 га, арендатор Зæгъойты А. – 5 га, «Цъунар»-Бибылы фырты хæдзарадæн та бантыст 4 га бахуым кæнын æмæ дзы байтыдта фæззыгæнд мæнæу.

Хуыбиаты Никъала