Ивгъуыд аз куыд нæ республикæйы бирæ хъæуты, афтæ Цхинвалы районы Сатихъары хъæуы дæр æвæрд æрцыд номарæн цырт. Ацы хъæу æмæ йæ алфæмблай хъæутæй Стыр Фыдыбæстæйон хæстмæ чи ацыд æмæ фæстæмæ чи нал æрыздæхт, уыдоны номыл. Сатихъары скъолайы кæрты «Æнæном салдат»-æн цы цырт ис, уым фыст æрцыдысты 152 адæймаджы нæмттæ. Фарон цырт 9-æм майы бæрæгбоны хæдразмæ тагъдыл æвæрд кæй æрцыд, уымæ гæсгæ бæстон арæзт не ’рцыд. Ныр ацы хъæуæй ацæугæ Фæндæгты арæзтад æмæ сæ эксплуатацимæ дæттыны комитеты сæргълæууæг Гуыззыдтаты Эдуард бацархайдта цырт æмбæлон уагмæ æркæнын. Йæхи фæрæзтæй ноджы тынгдæр фæуæрæхдæр кодта «Æнусон салдат»-мæ бацæуæн, йæ алыварс æвæрд æрцыд тротуарон плиткæ. Хъыгагæн, Сатихъары æмæ йæ алфæмблай хъæуты ма абон удæгасæй баззад æрмæстдæр иунæг ветеран — Мæлдзыгаты Валодя. Ууыл азтæ сæ уæз æруагътой æмæ фæстаг рæстæджы мадзæлтты хайад нал райсы. Уый хыгъд уымæ хæдзармæ бацæуынц арфæ кæнынмæ куыд бынæттон администрацийæ, афтæ республикæйы Ветеранты советæй дæр.
Ацы аз бæрæгбоны цытæн 9-æм майы цытджын мадзал уагъд æрцыд Хелцуайы культурæйы хæдзары. Мадзал бацæттæ кодтой Лолоты Джульеттæ, библиотекартæ Чысиаты Таня æмæ Æлборты Маринæ. Мадзал ауадзыны фæстæ уыдон ацыдысты хæсты ветеран Мæлдзыгаты Валодямæ æмæ йын сывæллæттимæ раарфæ кодтой бæрæгбоны цытæн. Бакодтой йын зæрдылдарæн лæвар дæр. Уый фæстæ ацыдысты Сатихъары хъæуы «Æнусон салдат»-ы цырты цурмæ æмæ йыл сæвæрдтой дидинджытæ.
Уазæгты М.
Comments are closed, but trackbacks and pingbacks are open.