Арфæтæ таможнæйы кусджытæн

Зынаргъ хæлæрттæ!

Арфæ уын кæнын уæ профессионалон боны цытæн!

Таможнæйон службæйы кусджытæ хъахъхъæнынц Республикæ Хуссар Ирыстоны арæнтæ æмæ экономикон æдасдзинад. Куыст домы бæрзонд бæрндзинад, рæстдзинад æмæ удуæлдайдзинад. Уæ профессионалон æмæ намысджын куыстыл баст у æнæхъæн бæстæйы фæрныгад. Уæ куысты бындуриуæг кæнын хъæуы национ интерестыл æмæ не ’мбæстæгты домæнтыл. Контрабандæимæ æрвылбон тох кæнгæйæ, сымах ахъаз кæнут регионы стабилон цардуаджы рæзт æмæ закъонон амалиуæгадæн.

Фæнды мæ раарфæ кæнын уæ куыстыл æмæ профессионалон хæсыл æнувыддзинады тыххæй. Эффективон архайд кæй кæнут, уый зыны бæстæйы бюджетмæ финансты æрбацыдтытæ кæй фæфылдæр сты, уымæй дæр.

Уырны мæ, бæрзонд моралон идеалтæ фадат кæй ратдзысты сымахыл æвæрд хæстæ дарддæр дæр кадимæ æххæст кæнынæн.

Ацы нысаниуæгджын боны уын мæ зæрдæ зæгъы фидар æнæниздзинад, амонд, фæрныгад æмæ æнцон кусгæ бонтæ.

Сабырдзинад æмæ хорздзинæдтæ сымахæн æмæ уе ’ввахс хиуæттæн!

Республикæ Хуссар Ирыстоны Президент ГАГЛОЙТЫ Алан

Цытджын Мурат Зауыры фырт!

Арфæ кæнын дæуæн æмæ ведомствойы æппæт кусджытæн уæ профессионалон боны цытæн.

Таможнæйон службæйы æнгом æмæ дырыс куыст ифтонг кæны республикæйы экономикон æдасдзинад, ахъаз кæны бюджет баххæст кæнынæн. Уæ профессионалондзинад, бæрндзинад æмæ принципиалондзи-нады фæрцы æххæст цæуы гъæдджын таможнæйон контроль, стыр хайбавæрд хæссут фыдракæндтæ æмæ бархалынадты профилактикæмæ, тох кæнут контрабандæйы ныхмæ.

Уырны мæ, сымах дарддæр дæр кадимæ кæй æххæст кæндзыстут уæ службæйон хæстæ.

Мæ зæрдæ зæгъы дæуæн æмæ комитеты æппæт кусджытæн фидар æнæниздзинад, оптимизм, æвидигæ энерги, ног æнтыстытæ уæ зын æмæ бæрнон службæйы Ирыстоны фæрныгадæн.

РХИ-йы Парламенты сæрдар ÆЛБОРТЫ Алан