Зæрдиаг арфæ уын кæнын Джиуæргуыбайы боны цытæн!
Ацы сыгъдæг бæрæгбон æппæт Ирыстоны баст у Уастырджийы номимæ – нæ адæмы сыгъдæг аудæг, уæларвон хæстон, кæцы алыхатт дæр æххуысмæ фæзыны, сыгъдæг зæр-дæйæ йæм чи скувы, уыдонмæ.
Ирыстоны ахæм бинонтæ нæй, кæцытæ ацы бонты æртæ бæрæгбонон уæлибыхимæ не скуывтой Уастырджимæ, йæ арфæ æмæ сæрыл-хæцындзинад кургæйæ.
Уадз æмæ ацы бæрæгбон суæд Ирыстоны æппæт адæмы æмæ йæ уазджыты æнгом кæныны райдиан, райгуырæн бæстæмæ нæ уарзондзинады бæлвырдкæнынад, цæстуарзондзинад, цинкæныны æмæ æцæг кавказаг уазæгуарзондзинады цæвиттон.
О, рухс Уастырджи!
Амонд, амонд кæстæртæн!
Æнæниздзинад бинонтæн!
Мæгуырты хъахъхъæнæг,
Сыгъзæрин Уастырджи!
Балæвар кæн бæркадджын хор!
Ма рарвит хæрамы хор!
Зынаргъ æмбæстæгтæ, мæ цæст уын уарзы æнæниздзинад, фæрныгад, стабилондзинад æмæ дидинæфтыд нæ Ирыстонæн!
Республикæ Хуссар Ирыстоны
Президент БИБЫЛТЫ Анатоли
АРФÆ ХУССАР ИРЫСТОНЫ ФЫЦЦАГ ПРЕЗИДЕНТÆН
Республикæ Хуссар Ирыстоны Президент Бибылты Анатоли раарфæ кодта РХИ-йы фыццаг Президент, историон зонæдты доктор, профессор Цыбырты Людвигæн йæ гуырæн боны цытæн.
Арфæйы телы дзырдæуы:
«Цытджын Людвиг Алексийы фырт!
Зæрдиаг арфæ дын кæнын дæ гуырæнбоны цытæн.
Фадатæй пайда кæнгæйæ мæ фæнды бузны-джы ныхæстæ зæгъын, райгуырæн Ирыстонæн бирæ азты дæргъы цы лæггад бакодтай, уый тыххæй.
Дæ биографи фидарæй бæлвырд кæны, ды æцæг патриот, æхсарджын, тыхджын, йæ разы-лæууæг хæстæ скъуыддзаг кæнын чи зоны, ахæм адæймаг кæй дæ.
Мæ цæст дын уарзы, цытджын Людвиг Алек-сийы фырт, фидар æнæниздзинад, æвидигæ цардуагон энерги, уды хъæддыхдзинад æмæ бинонты фæрныгад»
ХИЦАУАДЫ СÆРДАР ПУХАТЫ ЭРИКЫ АРФÆ
Зынаргъ æмбæстæгтæ!
23 ноябрь Хуссар Ирыстоны историйы фыст у гуырдзиаг шовинистты ныхмæ национ сæрибары сæрыл тохы хуссарирыстойнаг адæмы æх-сардзинад æмæ æнгом кæныны символ.
Уый у æвзонг лæппуты цæвиттойнаг æхсардзинад æмæ уæндондзинад, кæцытæ фæсырдтой гуырдзиаг неформалты бирæминон адæмы, кæцытæ хъавыдысты Цхинвалмæ æрбабырсын æмæ тыхæй Хуссар Ирыстоныл контроль кæнын.
Хæдбар паддзахады цæрыны тырнындзинад æмæ сæрибарæй дæ хъысмæт аразын, хæстон ныхмæлæуды бирæ азтæ, цухдзинæдтæ æмæ зиæнтты фæстæ, æркодтой мах уымæ, æмæ Республикæ Хуссар Ирыстон Уæрæсейæ æмæ бæстæты ‘рдыгæй дæр райста хæдбардзинад, æмæ слæууыд стабилон рæзты фæндагыл.
Æмæ абон мах æнгом кæны иу нысан – Хуссар Ирыстоны саразын тыхджын, дидинæфтаугæ республикæ, цыран алы æмбæстагæн дæр йæ бон уыдзæн комфортонæй цæрын æмæ кусын.
Зынаргъ хæлæрттæ! Ацы нысаниуæгджын боны, кæцы æрхауд Джиуæргуыбайы бонтæ нысан кæнынмæ, мæ цæст уарзы сымахæн æмæ алы бинонтæн дæр амонд, циндзинад, дидинæфтыд æмæ сабыр арвы бын царды фæндиæгтæ!
Comments are closed, but trackbacks and pingbacks are open.