Нæ горæты 13 Коммунары уынджы арæзтадон-цалцæггæнæн куыстытæ сты сæ тæмæны. 27-æм октябры горæт Цхинвалы администрацийы арæзтадон-цалцæггæнæн управленийы кусджытæ æрæвнæлдтой уынг асфальт кæнынмæ. Кусджытæм ис æппæт æнæмæнгхъæуæг техникæ æмæ сты кусæгдых дæр. Нæ горæты администрацийы арæзтадон-цалцæггæнæн управленийы сæргълæууæг Бабаты Владиславы ныхæстæм гæсгæ, финанс кæныны фарсты дæр сæ разы ницы ныхдуртæ ис. Уый ма куыд банысан кодта, уымæ гæсгæ уынджы арæзтадон куыстытæ æххæст цæуынц арæзтадон нормæтæ хъахъ-хъæнгæйæ.

Уынджы асфальтгæнæн куыстытæ кæронмæ куы фæуой, уæд та æрæвналдзысты тротуарты хæрзарæзтадмæ. Сæвæрдзысты дзы фæндагон змæлды ны-сæнттæ дæр. Уый æддейæ ма зæронд хидыл та æвæрд æрцæудзæн шлагбаум, цæмæй йыл уæзласæн машинæтæ мауал цæуой.

Банысан кæнын хъæуы уый дæр, æмæ уынджы арæзтадон куыстытæм горæт Цхинвалы администраци кæй æрæвнæлдта ацы аз августы мæйы. Ацы уынг нæ бахаудта Инвестицион программæйы фæлгæтты арæзтцæуæг объектты номхыгъдмæ, фæлæ ацы районы бирæ адæм кæй цæры, стæй дзы социалон нысаниуæджы объекттæ – астæуккаг скъола, сывæллæтты цæхæрадон, тæрхондон, нывгæнджыты хæдзар кæй ис, уый бахынцгæйæ, горæт Цхинвалы администраци аскъуыддзаг кодта, цæмæй уынг цалцæггонд æрцæуа горæты администрацийы фæрæзтæй.

Ацы æрмæджытæ дæр бакæс:

Тагъд кæнынц сæ куыстытыл Default ThumbnailСæ куыстæй сын баззад райгондæй Лев Кузнецов: «Горæты арæзтцæуæг объекттæй иуæй-иутæ дзуапп нæ дæттынц æмбæлон нормæтæн» Президент бабæрæг кодта объектты арæзтадон куыстытæ Default ThumbnailАрæзтадон куыстытæ — Къуайса-Гуфтайы автотрассæйыл

Comments are closed, but trackbacks and pingbacks are open.