Уæрæсе æмæ Хуссар Ирыстоны 10-æм январæй аивтой республикæмæ уæрæсейаг нефтепродукттæ æмæ газы экспортыл таможнæйон фиддонтæ. Бæстæты ‘хсæн базарадон режимы тыххæй Сразыдзинады ивындзинæдты æмбæлон суагъæ мыхуыр æрцыд барадон актты порталыл.
Афтæ ма хынцыд цæуы пластмас æмæ уымæй конд дзаумæттæ, алюмин æмæ сау згъæрты, уыдонæй конд дзаумæттæ æмæ ноджы къорд металлургион продукцийы тыххæй таможнæйон фиддонтæ аивын. Уыимæ иумæ фиддон ивд цæуы, бæстæтæ цы æрбаласæггæгты гуырахстыл бадзырдтой, æрмæстдæр уыдонæн. Уыцы гуырахстæй фылдæр куы уа, уæд пайда цæуы Уæрæсейы архайæг ставкæйæ. 2024 азы Хуссар Ирыстонмæ продукци æрбаласыны афæдзон гуырахст бæстæтæ сбæрæг кæндзысты 1-æм февралмæ, 2025 азæн та – 2024 азы 1-æм октябрмæ æмæ афтæ дарддæр.
Документыл къухтæ æрфыстой Мæскуыйы 2023 азы 30 декабры æмæ йæ тыхы бацыд 2024 азы 10-æм январы.
