Уый тыххæй фехъусын кодта Хуссар Ирыстоны Таможнæйы комитеты сæргълæууæг Цхуырбаты Мурат. 2012 азы марты мæйы Мæскуыйы, Хуссар Ирыстон æмæ Уæрæсейы Федераци бафыстой хæларад æмæ æмгуыстады тыххæй бадзырд. Уым иу пункт уыд дыууæ бæстæйы таможнæйон органты интеграцийы фæдыл.
7-æм февралы Мæскуыйы Уæрæсейы Федералон таможнæйы сæргълæууæг Владимир Булавин æмæ Хуссар Ирыстоны таможнæйы комитеты сæргълæууæг Цхуырбаты Мурат сæ къухтæ æрфыстой суагъæйыл. Уыцы гæххæттмæ гæсгæ Уæрæсейы хицауад сразы ис, Евразиаг экономикон цæдисы иумæйаг таможнæйы тариф æмæ Уæрæсейы Федерацийы таможнæйы фиддонты бæрц Хуссар Ирыстоны ахизын кæныныл. Документы нысан цæуы, иу мæйы æмгъуыдмæ, Хуссар Ирыстон цадæггай кæй хъуамæ рахиза евразиаг цæдисы таможнæйы тариф æмæ УФ-йы фиддонты бæрцмæ. Таможнæйон фиддонтæ ивындзинæдты тыххæй инфор-маци уæрæсейаг фарс развæлгъау хъусын кæндзæн Хуссар Ирыстонæн, цæмæй евразиаг иумæйаг тариф хæлд ма цæуа. Иумæйаг контроль бирæ-бæрцæй фæхуымæтæгдæр кæндзæн арæны сæртыл амалиуæггæнджыты цæуыны фæтк. Ацы системæмæ куы ахизой таможнæ, уæд схемæ арæзт уыдзæн афтæ: хуссарирыстойнаг æмæ уæрæсейаг таможнæйы куыст цæудзæн иу агъуысты. Уæрæсейаг таможнæйы кусæг базайрагæн экспортон гæххæттытæ куы араза, уæд ирыстойнаг кусæг та уыцы базай-рагæн сараздзæн импорты тыххæй гæххæттытæ.
Зæрæмæджы таможнæйыл базайрæгтæ æнæкъуылымпыйæ ласын кæцы категорийы товартæм хауы, уыдон хъуамæ уой, Уæрæсейы уагъд чи цæуы, ахæмтæ æмæ сæ æрбаласæн уыдзæн евразиаг цæдисы закъондæттынадмæ гæсгæ. Беларусь æмæ Сомихстон дæр ацы цæдисы уæнгтæ кæй сты, уымæ гæсгæ уырдыгæй дæр уыдзæн товартæн ласыны бар.
Цхуырбаты Мурат ма куыд зæгъы, афтæмæй ацы гæххæттæн тых уыдзæн æртæ азы дæргъы.
УАЗÆГТЫ Марфæ
Comments are closed, but trackbacks and pingbacks are open.