Фæндагон змæлды æдасдзинады инспектортæ ауагътой рейдон мадзæлттæ нæ горæты вокзалы æхсæнадон транспорты шофыртæн. Куыстмæ ахизыны размæ шофыртæ рацыдысты медицинон басгæрст, федтой ма сын сæ бары гæххæттытæ дæр. Æдæппæт сгæрст æрцыдысты 20 шофыры æмæ сæ инспектортæ карзæй бафæдзæхстой, цæмæй ма халой фæндагон змæлды фæткойтæ.
Инспектортæ ма лæмбынæг кæсынц транспорты техникон уавæрмæ, уымæн æмæ вæййы фæндагон-транспортон цаутæ машинæ кæй фехæлы, уый аххосæй.
Мидхъуыддæгты министр Наниты Игорь æрæджы йæ радон æмбырды бахæс кодта фæндагон змæлды инспектортæн, цæмæй ауадзой ахæм рейдон мадзæлттæ. Ведомствойы сæргълæууæджы ныхæстæм гæсгæ милицийы кусджытæ хъуамæ æдзух контроль кæной æхсæнадон транспортыл, цæмæй фыдбылызæй хызт уой бæлццæттæ.
Джиоты Александр
Comments are closed, but trackbacks and pingbacks are open.