Цытджын æмзæххонтæ!
32 азы размæ æрцыд æбуалгъ трагеди. Уый фæстиуæгæн фæмард сты хæсты хъизæмæрттæй чи лыгъдысты, уыцы æнæаххос сылгоймæгтæ, хистæр кары адæймæгтæ æмæ сывæллæттæ.
1992 азы 20 майы Ирыстон ныррызт ацы фыдуацæй. Фæлæ, æнæадæймагон æгъатыр ракæнд, тыхбахасты æбуалгъ акт ирæтты æрбангом кодта иу бинонтау, сæрибардзинадыл тохгæнæг адæмы уды хъæддыхдзинад знагæн фадат нæ радта зоныгуылтыл сæ æрлæууын кæнынæн.
Ацы бон нæ мысынады баззайдзæн куыд иууыл тугкалæндæр не ‘взонг паддзахады ныхмæ Гуырдзыстоны бирæазон æфсæддон агрессийы рæстæджы.
Зары трагеди у æнæбайгасгæнгæ хъæдгом, нæ мысынады баззайдзæн æнустæм.
Историон факттæ иуварс æмæ зыгъуыммæ кæнын, рæстдзинадыл нæ сæттын гуырын кæнынц ног фыдракæндтæ. Абон мах ногæй сидæм дунеон æмæхсæнадмæ, цæмæй ирæтты геноцидæн тæрхон рахæссой, æмæ гуырдзиаг къухдариуæгады бæрндзинадмæ æркондæуа, кæцы аххосджын у сабырады æмæ адæймагады ныхмæ фыдракæндты.
Республикæ Хуссар Ирыстоны ныхмæ йæ реваншистон хъуыдытæ нæ уадзгæйæ, Гуырдзыстон цы фыдракæндтæ сарæзта, уыдонæн æмгъуыд нæй.
Зынаргъ æмзæххонтæ!
Гуырдзиаг нацизмы амæттæгты фæдыл хъынцъым никуы æрсабыр уыдзæн. Нæ маст у æгæрон æмæ рæстæгæн йæ бон нæу, нæ зæрдæты цы рыст ис, уый фæкъаддæр кæна. Алы ироны хæс у историон рæстдзинад бахъахъхъæнын, æбуалгъ трагедийы аххосджынтæ та, абон уа æви сом – райсдзысты аккаг æфхæрд.
Йæ сæр ногæй цы нацизм сдардта, уый, æнæдызæр-дыгæй, хъуамæ куынæг æрцæуа, æнæаххос амæттæгты тыххæй мысынад та æнустæм баззайдзæн ныры æмæ фидæны фæлтæрты зæрдæты.
Республикæ Хуссар Ирыстоны
Президент ГАГЛОЙТЫ Алан
