1 октябрæй картæ «Мир»-мæ хынцыд цæудзысты, æрмæст пенситæ нæ, фæлæ ма сывæллæтты пособитæ дæр. Уый тыххæй бамбарын кодтой Фиддонон картæты  национ системæйы пресс-службæйы.

Сывæллæттæ кæмæн ис, уыцы æмбæстæгты паддзахадон пособитæм хауынц æнхъæлцаудзинады æмæ гуырыны тыххæй фиддонтæ, сывæллон куы райгуыры, уый тыххæй иугæндзон пособи, сывæллонмæ зилыны тыххæй æрвылмæйон пособи, афтæ ма æртæ азæй авд азмæ кæуыл цæуы, уыцы сывæллæттæн æрвылмæйон бафыстытæ.

 Фиддонон картæты  национ системæйы пресс-службæйы банысан кодтой, зæгъгæ, пособитæ æмбæстæгтæн лæвæрд цæудзысты куыд къухмæ, афтæ хынцыд цæудзысты бангон хыгъдмæ дæр, кæцы баст нæу банчы картæимæ. О, фæлæ банысангонд фиддонтæ банчы картæмæ хынцыд куы æрцæуой, уæд хынцыд цæудзысты æрмæстдæр картæ «Мир»-мæ.

Амæй размæ Уæрæсейы Федерацийы Пенсион фонд йæ официалон сайты уæрæсейæгты зæрдыл æрлæууын кодта, зæгъгæ, 1 октябрæй пенситæ æмæ социалон бафыстытæ Уæрæсейы Федерацийы Пенсион фондыл хынцыд цæудзысты æрмæстдæр картæ «Мир»-мæ.

Æндæр фиддонон системæйы картæтæй чи  пайда кæны, ахæмтæй, куыд Visa  кæнæ Mastercard, пенситæ æмæ пособитæ райсыны тыххæй  фиддонтæ   хъуамæ ракæной национ фиддонон системæйы картæтæм. Банкон картæ баивыны фæстæ хыгъды ног реквизиттæ хъуамæ фехъусын кæной Пенсион фондæн.

Уыимæ иумæ уыцы пенсиисджытæн, кæцытæн сæ  фиддонтæ хынцыд цæуынц кассæмæ кæнæ та сын сæ хæссынц посты кусджытæ, 1 октябры ницы фæивдзæн, сæ пенситæ раздæр куыд истой, афтæ сæ исдзысты.

Ацы æрмæджытæ дæр бакæс:

Default ThumbnailКарта «Мир»-æй пайдагæнгæйæ Фадат фæзынд сывæллæтты пособитæ исынæн Картæ «мир» скуыста нæ республикæйы Default ThumbnailСистемæ «Мир» æрцæудзæн Хуссар Ирыстонмæ дæр Провокацитæм ма хъусæм

Comments are closed, but trackbacks and pingbacks are open.