Президент Гаглойты Алан йæхимæ райста уæлдæфон-десантон хæстонты, ацы æфсады сырæзтыл 94 азы кæй сæххæст, уый цытæн. Фембæлды рæстæджы бæстæйы сæргълæууæг банысан кодта, зæгъгæ, рæзгæ фæлтæрæн Уæлдæфон-десантон хæстонты ветерантæ сты хи равдисыны цæвиттон.
«Сæ историйы дæргъы хæстонтæ-десантонтæ цæвиттон уыдысты намыс æмæ хорз миниуджытæй, æхсардзинад æмæ профессионализмæй. Фидар удыхъæдæй, æнгомдзинад, кæрæдзийæн æххуысæй, патриотизмы, æфсæддон ардбахæрдыл æнувыды æмæ химæрайсгæ хæстæм бæрндзинады ахаст дарынæй сымах цæвиттон стут рæзгæ фæлтæрæн», – загъта Президент æмæ банысан кодта, зæгъгæ, абон базырджын фистæгонты хæстонтæ сæ профессионалон бæрæгбон нысан кæнынц сæрмагонд æфсæддон операцийы, æрвылбон æхсардзинад æмæ хъæбатырдзинад æвдисгæйæ, цытимæ æххæст кæнынц сæ хæс, сæ девиз «Мах йедтæмæ ничи» фидар кæнгæйæ.
Ветерантæм Президент йæ хъус кæй дары, уый тыххæй йын загътой бузныджы ныхæстæ.
Сæ ардбахæрдыл æнувыддзинады æмæ Фыдыбæстæйæн бирæазон службæйы тыххæй Президент уæлдæфон-десантон хæстонты ветеранты схорзæхджын кодта «За ратный труд во имя мира»-йы майдантæй.
Нæ уацх.
