Республикæ Хуссар Ирыстоны Президент Бибылты Анатоли хорзæхтæ радта Паддзахадон драмон театры артисттæн. Цытджын церемони уагъд æрцыд Республикæ Хуссар Ирыстоны Президенты Администрацийы Театры дунеон боны цытæн.
Паддзахады сæргълæууæджы къухæй хорзæхтæй райстой зынгæ артисттæ æмæ культурæйы фадыджы кусджытæ ахæмтæ куыд, Гукаты Эвелинæ, Сапаты Зæлинæ, Плиты Таймурз, Сиукъаты Ларисæ æмæ æндæртæ.
«Абон мах кад кæнæм артисттæн æмæ театры æппæт кусджытæн. Сымах адæмæн лæвар кæнут æвæрццаг эмоцитæ, бузныг уын уый тыххæй», – загъта Бибылты Анатоли.
Президент банысан кодта, зæгъгæ, Республикæ Цæгат Ирыстон-Аланийы сæргълæууæг Битарты Вячеслав æм кæй бахатыд, цæмæй уый номæй дæр хуссарирыстойнаг артисттæн лæвæрд æрцæуа хорзæхтæ.
Сæйраджыдæр, Республикæ Цæгат Ирыстон-Аланийы сæргълæууæджы Барамындæй «Ирыстоны кадæн» майданæй хорзæхджын æрцыд Республикæ Хуссар Ирыстоны Адæмон артисткæ Галуанты Людмилæ. Зынгæ актрисæйæн йе нæниздзинадмæ гæсгæ церемонимæ йæ бон нæ бацис æрбацæуын æмæ Президент йæ хорзæх бахаста хæдзармæ.
Бибылты Анатоли ма бабæрæг кодта Æлборты Шоренæйы дæр, кæцы церемонийы нæ уыд йе нæниздзинадиы аххосæй. Президенты Барамындмæ гæсгæ уымæн та лæвæрд æрцыд «Республикæ Хуссар Ирыстоны Адæмон артисты» кадджын ном.
Comments are closed, but trackbacks and pingbacks are open.