Хуссар Ирыстон нысан кæны стыр Бæрæгбон – республикæ расидыны 32-æм аз.
Фæлæ ма Ирыстон ацы бон фæмысы Хъæрмæдоны комы трагеди.
2002 азы 20-æм сентябры Хъолайы цъити дурхæццæйæ ратыдта æмæ цалдæр минутмæ аныхъуырдта комы фараст километры, йæ быны дæсгай улæфæн базæтæ, пансионаттæ, улæфджытæ æмæ сæ цæрджытимæ фæкæнгæйæ. 125 адæймаджы фæмард сты кæнæ та æбæрæгæй фесæфтысты. Уыдонæй 20 адæймаджы ссардæуыд æмæ сæ базыдтой, фæлæ 105 адæймаджы абоны онг дæр нымад цæуынц æбæрæгæй сæфтыл. Киноисæн куыстыты хайад истой Цæгат Ирыстоны бæхты театр «Нартæ»-йы бирæ хайадисджытæ, кæцытæ уый размæ хайад истой фильм «Война»-йы.
Хъæрмæдоны ком у æрдзы уникалон цырт, Цæгат Ирыстоны рæсугъддæр къуым æмæ уарзон бынат, куыд бынæттон цæрджытæн, афтæ æппæт Уæрæсейæ æмæ, æгæрыстæмæй, фæсарæйнаг туристтæн дæр. Адæм тырныдтой уырдæм бахауынмæ, цæмæй æхцондзинад райстаиккой æнæсфæлхаттгæнгæ рæсугъд хæххон пейзажтæй. Ацы бынæтты цард цæдджинагау фыхт. Уыцы æнамонд боны дæр уым уыд бирæ адæм.
2002 азы 20-æм сентябры изæры цъитийы бын фæцис Уæллаг Хъæрмæдоны поселок æмæ уыцы рæстæджы комы чи уыд, уыдон дæр фесæфтысты. Сæрмагондæй, Сергей Бодров-кæстæры кинокъорд, кæцы иста кинофильм «Связной», зæгъгæ. Уыцы бон исæн куыстытæ фесты æмæ адæм хъуамæ рацыдаиккой фæстæмæ Дзæуджыхъратор куыддæр кинокамерæ нывæрдта, уымæй 20 минуты фæстæдæр райхъуыст тыхджын гыбар-гыбур… æмæ цъитийы зæй йæ разæй рахаста цы æййæфта, уыдоны. 20 сахат 8 минут æмæ 30 секундыл хæхтæ базмæлыдысты тыхджын хъæлæбайæ, ратыдта Хъолайы цъити æмæ комырдæм рассæста. Цæрынхъуаг удты трагикон фæзианыл куыдта Ирыстон, куыдта сыл æрдз дæр.
Сергей Бодров иста фыццаг стыр проект, киноныв «Связной, цыран уыд автор, режиссер æмæ сценарист дæр. Уыимæ ма йæхæдæг хъазыд сæйраг ролы дæр. Хъæрмæдонмæ Сергей йæ кинокъордимæ æрцæуын фæнд кодта августы мæйы æдæппæтæй дыууæ къуырийы æмгъуыдмæ, цæмæй систаид легендæ «мæрдты рагон горæты тыххæй» цалдзоды. Фæлæ йын лæппу кæй райгуырд, уымæ гæсгæ йæ балц хаст æрцыд августæй сентябрмæ хаст… Трагикон сентябрь… Æвæццæгæн, сын ахæм æнамонд хъысмæт уыд.
Раст у æмбисонд, зæгъгæ, хъыг æмæ цин æфсымæртæ сты, кæрæдзийы фарсмæ цæуынц. 2002 азы 20-æм сентябры Хуссар Ирыстоны республикæ расидыны бæрæгбон куы нысан кодтой, уыцы рæстæджы Цæгат Ирыстоны Хъæрмæдоны комы та æрцыд стыр трагеди 125 адæймаджы бабын кæнгæйæ.
Агурæн-ирвæзынгæнæн куыстытæ уагъд цыдысты иу аз æмæ æрдæг, фæлæ…
Нæ уацх.
Comments are closed, but trackbacks and pingbacks are open.