Саккаг ын кодтой риуылдарæн нысан
Донецкы Адæмон Республикæйы ирон землячествойы сæргълæууæг Бæззаты Еленæ хорзæхджын æрцыд Луганскы Адæмон Республикæйы Мидхъуыддæгты министрады риуылдарæн нысан «За содействие органам внутренних дел»-æй. «Бæрзонд профессионалондзинад, службæйон хæстæ æххæст кæнынмæ намысджын ахаст дарыны, Украинæйы демилитаризаци æмæ денацификацийы фæдыл Уæрæсейы Федерацийы Гарзджын Тыхты сæрмагонд æфсæддон операцийы рæстæджы закъондзинад, барадон фæтк сфидар кæныны, фыдракæндты ныхмæ тохы, æмбæстæгты бартæ æмæ сæрибардзинад бахъахъхъæныны Луганскы Адæмон Республикæйы Мидхъуыддæгты министрады дæлхæйттæн барадон æххуыс бакæныны фæдыл куысты бæрзонд бæрæггæнæнты тыххæй», – банысан кодтой документы. Зæгъын хъæуы уый дæр, æмæ уый размæ дæр хорзæхджын кæй æрцыд алыгъуызон хорзæхтæй, уыцы нымæцы Уæрæсейы Федерацийы Хъахъхъæнынады министрады «За трудовую доблесть»-ы майданæй.
***
Донецкæй нæм æхсæнадæмон æхсæнад «Землячество Алании»-йы сæрдар Бæззаты Еленæ куыд хъусын кæны, афтæмæй цытджын æгъдауæй банысан кодтой Фыдыбæстæ хъахъхъæнæджы бон. «Донецкы Адæмон Республикæйы батальон «Сармат» æмæ интербригадæ «Пятнашка»-йы нæ лæппутæн бакодтам бæрæгбонон лæвæрттæ. Афтæ ма уыдыстæм 102-æм полкы. Уым дæр дæлхайы командир у ирон лæппу – Зассеты Хетæг. Лæвæрттæ ма радтам фыццаг славяйнаг бригадæйæн, инженерон-саперон ротæйæн Джиоты Станиславы сæргълудæй. Уым дæр службæ кæнынц нæ ирон лæппутæ. Балæууæм иуæй-иу дæлхæйтты хæстонтæй æххуыс кæй бахъæуы, уыдоны фарсмæ. Гуманитарон æххуыс баласæм госпиталтæн.
Абоны бон госпиталты нæ лæппутæй ис дыууæ хæстоны. Иуæн дзы операци сарæзтой контузийы фæстæ. Уымæн йæ уавæр февзæрдæр. Иннæ та госпиталы ис кæй фæцæф, уый фæстиуæгæн. Уыдтæн Луганскы Адæмон Республикæйы мæ куысты фæдыл. Ныхас кодтон Зассеты Александримæ. Авдеевкайы ссæрибар кодтой æмæ йæ ныр та знæгтæ æхсын райдыдтой дардмæхсæн хæцæнгæрзтæй. Знаг у знаг. Сабырдзинад нын нæ дæтты. Фæлæ нæ уырны кæй йыл фæуæлахиз уыдзыстæм, уый», – радзырдта нын Бæззаты Еленæ.
Афтæ ма ирон æхсæнад бузныг зæгъы «Стыр Ныхас»-ы сæргълæууæг Уататы Зелим, ирон театры директор Дудайты Чермен, аивадон разамонæг Уалыты Гиви æмæ æгас Ирыстоны адæмæн Донбассы æфсæддон службæгæнджытæм сæ хъусдард æмæ æххуысы тыххæй.
Джиоты Екатерина
Дорогая наша боевая сестра Елена! Примите ещё раз мои искренние поздравления по поводу награждения Вас многими заслуженными Государственными Наградами! Ваша неугомонная неустанная, разносторонняя общественная и гуманитарная деятельность в условиях жесточайших боевых условиях, служит примером для всех жителей Северной и Южной Осетии, а также для Осетин живущих в не наших двух Республик! и конечно же в родном Вашем Донбассе!. Желаем Вам счастья, отменного здоровья, семейного благополучия и благоденствия, долгожданного мирного неба над головой и дальнейших комплексных успехов как в общественной и благотворительной деятельности, так и в личной жизни во всем и всегда! Уважаем, любим, ценим и гордимся Вами, дорогая, любимая и славная наша сестра! Пусть Всевышний и все наши СВЯТЫЕ оберегают Вас от всех невзгод и несчастии!!!. Г. Воронеж, Урузмаг Бестаев.
Спасибо вам от имени газ.”Хурзæрин”.