РХИ-йы хицауады сæрдар Джуссойты Константин фембæлд Уæрæсейы экономикон рæзты министрады кусджыты къордимæ, сæ сæргъ специалон программæты æмæ проекты департаменты директор Виталий Гудин, афтæмæй.

Хуссар Ирыстоны фарсæрдыгæй фембæлды хайад райстой хицауады сæрдары хæдивæг – экономикон рæзты министр Тадтаты Дзамболат, арæзтад, архитектурæ æмæ цæрæнуатон – коммуналон хæдзарады министр Зæгъойты Эдуард, юстицийы министр Гаглойты Олег, Уæрæсейы фарсæрдыгæй та – Уæрæсейы экономикон рæзты министрады специалон программæты æмæ проектты департаменты директоры хæдивджытæ.

Уынаффæ цыдис планон-контролон мадзал “Республикæ Хуссар Ирыстонæн бюджетон инвестицитæ æххæст кæныны æмæ инвестицион архайдæн æххуыс кæныны нысæнттæн финансон æххуыс бакæныны тыххæй Уæрæсейы Федерацийы экономикон рæзты министрад æмæ Республикæ Хуссар Ирыстоны финансты министрады æхсæн 2020 азы 7 майы сразыдзинады уавæртæ Республикæ Хуссар Ирыстон куыд æххæст кæны, уый тыххæй басгæрст” ауадзыны фæлгæтты республикæйы паддзахадон хицауиуæгады куысты фæстиуджытыл.

Джуссойты Константин куыд банысан кодта, афтæмæй цы фарстытыл уынаффæ кодтой, уыдон баст уыдысты республикæйы социалон-экономикон рæзтимæ, сæрмагондæй та инвестицион проекттæ реализаци кæнын, кæрæдзиимæ хыгъдтæ аразын, энергетикон æдасдзинад ифтонг кæнын æмæ æндæр ахæм ахсджиаг фарстытимæ.

«Гæнæн ис зæгъæн, æмæ Уæрæсеимæ æхсæнхицауадон æмархайд кæй рæзы æмбæлон здæхты. Цы фарстытыл æруынаффæ кодтам, уыдоны фæдыл мах нæ уæрæсейаг коллегæты æрдыгæй банкъардтам æххуыс æмæ æмбарынад”, – банысан кодта Джуссойты Константин.

Зæрдыл лæууын кæнæм, Уæрæсейы экономикон рæзты министрадæй кусæгон визитимæ æрцæуæг делегаци Хуссар Ирыстоны кæй уыдис 12 сентябрæй 17 сентябрмæ.

 

Comments are closed, but trackbacks and pingbacks are open.