Плиты Иссæйы номыл полк арæзт æрцæудзæн батальон «Шторм. Осетия»-йы бындурыл. Уый тыххæй хицауады аппаратон æмбырды фехъусын кодта Цæгат Ирыстон-Аланийы Сæргълæууæг Сергей Меняйло.
«Цæгат Ирыстонæй бирæ лæппутæ ацæуынц сæрмагонд æфсæддон операцийы зонæмæ æндæр регионтыл, æмæ сæ арвитынц алы æмæ алы здæхтытæм. Уый фæстæ сæхиуæттæ фæдомынц, цæмæй сæ раздахой се ‘мзæххонтимæ службæ кæнынмæ. Афтæмæй ныридæгæн ацыдысты 800 адæймаджы. Нæ лæппутæ æппæрст ма хъуамæ цæуой æндæр регионтæм. Махмæ рады лæууынц уым службæ кæнынмæ, фæлæ штатон структурæмæ гæсгæ ацы фарсты арæнгонд стæм. Бафæлвардзыстæм лæппуты полкы скондмæ ракæныныл», – банысан кодта регионы сæргълæууæг.
Сæрмагонд æфсæддон операцийы хайад исынц дыууæ бархион ирон батальоны – «Алани» æмæ «Шторм.Осетия». Уыдонæн се сконды 70 проценты сты Ирыстоны æмбæс-тæгтæ. Афтæ ма арæзт æрцыд батальон, кæцы æххæстæй арæзт у республикæйæ мобилизацигонд лæппутæй.
