Традицимæ гæсгæ азы кæрон уагъд фæцæуы Уæззау атлетикæйы скъолайы гом чемпионат. Ныр дæр та спортивон комплекс «Олимп»-мæ æрбамбырд сты республикæйы æвзонг штангисттæ. Æдæппæтæй майдантыл тох кодтой 28 спортсмены. Уæззау атлетикæйы скъолайы директор Тасойты Олег куыд зæгъы, афтæмæй ацы ерысты фæрцы хатдзæгтæ арæзт æрцæуынц тренерты куыстæн.
«Азы дæргъы куыст фæцæуы скъолайы хъомылгæнинæгты цæттæдзинад фæбæрзонддæр кæныныл. Æмæ сын азы кæрон, ерысты сæ равдисгæ бæрæггæнæнтæм гæсгæ, сбæрæг кæнæм чи куыд бакуыста, уый. Стæй ма равзарæм иууыл хуыздæр спортсменты, кæцытæ нæ республикæйы спортивон кад фæхъахъхъæнынц æвзæнгты ’хсæн РЦИ-Аланийы чемпионаты», — банысан кодта Тасойты Олег.
Хуриты Батрадз
