Ирон спортсмен Наниты Тимур ссис уæззау атлетикæйæ Уæрæсейы Кубокы уæлахиздзау. Тимурæн фыццаг бынат бацахсын бантыст 109 кг уæзы категорийы 389 кг бæрæггæнæн равдисгæйæ (175+214). 96 кг уæзы категорийы та æвзист призер ссис Хъесаты Георги. Уый та дыууæ истæн скодта 357 кг(159+198). Ацы ерысты фæстиуджытæм гæсгæ арæзт æрцæудзæн Уæрæсейы æмбырдгонд командæ, кæцы 25 майæ 3 июнмæ хайад райсдзæн Европæйы чемпионаты, кæцы уагъд æрцæудзæн Албанийы.

БОКС

Кадрон ивындзинæдтæ  æрцыд Уæрæсейы боксы федерацийы. Федерацийы генералон нымæрдары хæдивæгæй нысангонд æрцыд Цопанаты Хетæг.

«Бузныг мæ фæнды зæгъын Уæрæсейы боксы федерацийы къухдариуæгадæн, сæрмагондæй та Умар Кремлевæн, кæй мыл баууæндыдысты, уый тыххæй. Арæзт æрцæудзæн профессионалон боксы размæцыды ног вектор», – банысан кодта Цопанаты Хетæг.

УÆГЪДИБАР ХЪÆБЫСХÆСТ

25 февралы Стамбулы райдайдзæн уæгъдибар хъæбысхæстæй дунеон турнир «Яшар Догу». Ерысты Уæрæсейы æмбырдгонд командæйы сконды хайад исдзысты Ирыстоны хъæбысхæсты скъолайы æртæ хъомылгæнинаджы. 74 кг уæзы категорийы сæ цæттæдзинад фæлвардзысты Сидахъты Зауырбег æмæ Уалыты Чермен. 92 кг уæзы та майдантыл тох кæндзæн Чертхъоты Гурам.

ХУРИТЫ Батрадз 

 

Ацы æрмæджытæ дæр бакæс:

Default Thumbnail2020 азы спортивон æнтыстытæ Default ThumbnailАцæугæ æнусы ирон спортсменты æнтыстытæ Default Thumbnail2019 азы спортивон цаутыл афæлгæст Дунеон турнир профессионалон боксæй 2016 азы сæйрагдæр спортивон цаутыл афæлгæст

Comments are closed, but trackbacks and pingbacks are open.