Сывæллæтты сфæлдыстады галуаны хореографион ансамбль «Фидæн» сси 1-аг къæпхæны лауреат æхсæнадæмон фестиваль-конкурс «Времена года. Петербург»-ы.
Ацы хорз хабар республикæйы информацион фæрæзтæн фехъусын кодта Хуссар Ирыстоны Культурæйы министрады пресс-службæ.
Министрады куыд банысан кодтой, афтæмæй ансамбль «Фидæн» фестиваль-конкурсы равдыста æртæ хореографион номыры – «Хонгæ» лирикон «Чызджыты кафт» æмæ рагон ирон ритуалон кафт «Чепена».
Коллективы аивадон разамонæг у Хуыгаты Олеся.
Санкт-Петербургмæ ансамбль «Фидæн» араст ис сфæлдыстадон иугонд «Салют талантов»-ы хуындмæ гæсгæ.
Уæлахиз ут кæддæриддæр, Иры хъæбултæ!