Мидхъуыддæгты министрады сæдæгай кусджытæ ифтонг кæндзысты æхсæнадон фæтк республикæйы скъолаты цытджын æмбырдтæ уадзыны рæстæджы.
Ведомствойы пресс-службæйы куыд хъусын кæнынц, афтæмæй уыцы нысанæн барадхъахъхъæнджытæ бакуыстой мадзæлтты комплекс, кæцыйы сты профилактикон мадзæлттæ дæр.
«Ног ахуыры аз кæй райдайдзæн, уымæ гæсгæ мидхъуыддæгты министрад уадзы мадзæлтты комплекс скъолаты цытджын мадзæлттæм цæттæ кæнын æмæ сæ уадзыны рæстæджы æхсæнадон фæтк æмæ æдасдзинад сифтонг кæныны фæдыл. Планмæ гæсгæ мидхъуыддæгты министрады сæдæгай кусджытæ ифтонг кæндзысты æхсæнадон фæтк хъахъхъæнын. Барадхъахъхъæнджытæ комплексонæй басгардзысты, мадзæлттæ уагъд кæм цæудзысты, уыцы бынæттæ æмæ сæ алыварс территоритæ. Республикæйы ахуырадон уагдæттæм фидаргонд æрцæудзысты милицийы кусджытæ», – загътой пресс-службæйы.
Уымæй дарддæр ма мадзæлттæ ист æрцæудзæн фæндагон змæлды æдасдзинад сифтонг кæныны фæдыл. Паддзахадон автоинспекци басгæрста фæндагон хызæгты уавæр æмæ фæндагон змæлд организаци кæныны техникон фæрæзтæ.
Скъолатæ æмæ сывæллæтты рæвдауæндæтты хæстæг уынгты развæлгъау æвæрд æрцыдысты аразгæ къуыппытæ. Мадзæлттæ уадзыны рæстæджы паддзахадон автоинспекцийы кусджытæ ахуырадон уагдæттæм хæстæг бæстон кæндзысты фæндагон змæлд.
Comments are closed, but trackbacks and pingbacks are open.