Республикæ Хуссар Ирыстоны Президент Бибылты Анатоли Сириаг Арабаг Республикæйы Президент Башар Асады схорзæхджын кодта Хуссар Ирыстоны уæлдæр æфсæддон хорзæх «Уацамонгæ»-йы орденæй.

«Бар мын радт æмæ дын ацы бæрзонд хорзæх радтон Хуссар Ирыстоны адæмы бузныджы нысанæн республикæйы хæдбардзинад банымайыны тыххæй», – загъта Бибылты Анатоли.

Президент зæрдыл æрлæууын кодта, йæ рæстæджы «Уацамонгæ»-йы ордентæ лæвæрд кæй æрцыдысты Венесуэлæйы æмæ Никарагуайы президенттæн Уго Чавес æмæ Даниэло Ортегайæн.

Башар Асад, йæ рады Бибылты Анатолийы схорзæхджын кодта Сирийы уæлдæр паддзахадон хорзæх Омейядовы орденæй. Уагæвæрдмæ гæсгæ, Омейядовы орден лæвæрд æрцæуы, æфсæддон кæнæ æмбæстагон фадыджы стыр куыст чи бакæны, уыдонæн.

Хуссар Ирыстоны æмæ Сирийы Президенттæ сæ кæрæдзийæн бакодтой зæрдылдарæн лæвæрттæ. Бибылты Анатоли йемæ ахаста, йæ ныхæстæм гæсгæ символикон лæвар – «дамаскаг æндонæй арæзт кавказаг æхсаргард». Башар Асад ын балæвар кодта къухæй арæзт нуазæн, кæцы арæзт у сириаг традицион стилы. Бибылты Анатолийы ныхæстæм гæсгæ, РХИ-йы Национ музейы президентон экспозицийы уый йæхи бынат бацахсдзæн.

Ацы æрмæджытæ дæр бакæс:

Гаглойты Алан: «Уырны мæ, Сирийы æхсарджын адæм  ацы уæззау уавæрæн кæй бафæраздзысты» Default ThumbnailБашар Асады лæвар – Дзасохты Александрæн Ялтæйы дунеон экономикон форумы Адæмы зæрдæты чи цæры, уыцы бæрæгбон Ялтайы IV-æм Æхсæнадæмон экономикон форумы

Comments are closed, but trackbacks and pingbacks are open.