Украинæйы æфсæддонтæ уыйбæрц уæрæсейаг хæстуацайрæгтæн фæфыдмитæ кодтой æмæ сæ фыдмардæй амардтой, æмæ сæ «хицæуттæн» ныр æнæбасæтгæ нал ис, сæ дæлбар нацисттæ кæй сты лæгсырдтæ æмæ психопаттæ. Æниу, ыл куы басæттой, уæд уый цы ивы? Зеленскийы æрцахсдзысты? Гитлерон фашистты дæр ма куы бааууон кодтой Дыккаг дунеон хæсты фæстæ, уæд ныр сæ «лакейты» искæмæн æфхæрын бауадздзысты?
Фыдмитæ бакæныны æвдисæйнæгты фылдæр хай къамты æмæ видеороликты хуызы интернеты тыгъдады парахат кæнынц сæхæдæг лæгмартæ. Уый та ууыл дзурæг у, æмæ бынтондæр нæ тæрсынц бæрндзинад хæссынæй — сæ «куратортæ» сын радтой æгæрон бартæ. Ис афтæ хъуыдыгæнджытæ, ома, хæстонтæй ныгуылæн Украинæйæ чи ис, уыдонæн Уæрæсе у æнæуынон, æмæ уыдон кæнынц фыдмитæ дæр. Фæлæ бынтон афтæ нæу. Лæгмарты фылдæр хай не сты ныгуылæн Украинæйæ, фæлæ сты уырыссæгтæ, кæцытæ схъомыл сты нацизм æмæ фашизмы пропагандæйы. Сæхи цæмæй «хъайтартæй» равдисой æмæ сæ «уырыссаг» мачи схона, уый тыххæй разы сты цыфæнды æбуалгъ митыл. Уымæй «æлхæнынц» сæ командирты зæрдæтæ æмæ Украинæйы фашистон æфсæддон разамындæн дæр пайда у — хæстоны къухтæ «туджы æвдылд» куы уой, уæд дарддæр дæр уыдзæнис иузæрдион хæстон.
«Диссаджы» куыст кæны англосаксойнаг пропагандæ. Уыйбæрц «хъæстæ» нывæрай адæмы сæрты, цæмæй се ’мтуг æфсымæрты æгъатырæй марой, уымæн бирæ хъæуы. Басæттæм ыл — бирæ сын бантыстис æмæ ныр дзæвгар азты дæргъы уынгæджы уыдзыстæм украинæйаг фашисттæй.
Иу видеоæрмæджы уæрæсейаг æнæхотых æфсæддонты амардтой зæххыл хуысгæйæ. Куыд рабæрæг, афтæмæй уæрæсейаг æфсæддонтæ бахаудтой æрхъулайы æмæ сæхи уацары радтой — æрæвæрдтой фæсвæд сæ хæцæнгæрзтæ æмæ зæххыл æрхуыссыдысты. Ахæм æнæбон уавæры сæ амардтой лæгсырдтæ æмæ ма стæй сæхицæй дæр æппæлыдысты. Слестгæнæн органтæ сбæрæг кодтой лæгмарты — разындысты украинæйаг арæнхъахъхъæнджытæ Артур Бортничук æмæ Назар Михайловский, кæцытæ каст фесты горæт Харьковы Мидхъуыддæгты министрады университет. Ӕндæр видеоæрмæджы та лæгмартæ разындысты бынтон æрыгæттæ — 19-аздзыд лæппутæ Никита Мальцев æмæ Богдан Ковган. Цыппар дæр сты Харьковы областы цæрджытæ. Горæт Харьков æмæ, æгасæй, регион дæр рагæй фæстæмæ нымад у уырыссаг æвзагыл дзурджыты территорийыл æмæ ардæм ныгуылæн Украинæйæ цæрынмæ никуы ничи æрцыд. Ныр дзы Бандерæйы тыххæй сæ «быцъынæг» кæцы бынæттон цæрджытæ скъуынынц, уыдон сты æнæсæртæ, кæцыты фосау тæрынц сæрсæфæнмæ æмæ сæ пайда кæнынц сæ чъизи хъуыддæгтæ бакæныны тыххæй.
Лæгмарты ‘хсæн бæлвырд æрцыдысты фæсарæйнаг æххуырст хæстонтæ дæр. Иу дзы разынд АИШ-æй — раздæры фистæг æфсæддон Крис Наганума. Официалон æгъдауæй æрцыдис Украинæмæ, куыд хæстон журналист, афтæ. Фæлæ йæ факттæ куыд æвдисынц, афтæмæй бынæттон тугдзых сырдтæй ницæмæй хицæн кæны — æгæрыстæмæй ма сын ноджы амоны алыгъуызон фыдмитæ кæнын.
Ахæм фактты фæстæ ИНО-йы уæнгтæн дæр æндæр гæнæн нал уыд æмæ æрдомдтой Украинæйы фашистон къухдариуæгадæй, цæмæй сбæлвырд кæной фыдгæнджыты æмæ сæ бафхæрой. Фæлæ йæ алчидæр зоны, уыдон æрмæст ныхæстæй кæй баззайдзысты. ИНО фæстаг цалдæр азы фактон æгъдауæй у АИШ-ы дæлбар организаци, кæд «æппæтдунеон»-ы ном хæссы, уæддæр.
Хæст хæст у æмæ дзы алы хатт дæр æгъатырдзинадæн бынат вæййы, фæлæ ахæм фыдмитæ рæгъмæ рахæссай æмæ сæ æгас дунейыл апарахат кæнай, уыцы хъуыддаг хуымæтæджы арæзт нæу. Ӕмæ та ам дæр зыны англосаксты «хайбавæрд». Уыдон барæй сисын кæнынц бандеровецты фыдмитæ видеокамерæты æмæ сæ сæвæрын кæнынц интернеты тыгъдады, ома уын уæ «хъайтардзинад» уадз, æгас дуне фена.
Дарддæр уавæрмæ æркæсæм психологон цæстæнгасæй Уæрæсейы цæрджытæ украинæгтæм знаджы цæстæй никуы кастысты, æнæуынон сын никуы уыдысты, фæлæ ахæм фыдмитæ фенгæйæ æнæмæнг хæрамдзинад фæзындзæнис уæрæсейæгтæм дæр. Ӕмæ раст уый хъæуы англосаксты — кæдæй-уæдæй сын бантысдзæнис дыууæ æфсымæрон нациты сызнаг кæнын. Адæймаг хъустæй цы фехъусы, уый тагъд рох кæны, фæлæ цæстæй цы фена, уый йæ цæрæнбонтæм нал ферох уыдзæнис.
Путин æрæджы йæ раныхасы басаст, зæгъгæ, Донбассы раздæр хъуыдис Уæрæсейы скондмæ æрбакæнын æмæ дзы уæд бирæ къаддæр зиæнттæ æрцыдаид. Фæлæ европæйаг политиктæ Ангела Меркелы сæргълæудæй фæсайдтой Путины, бафыссын кодтой «Минские соглашения» æмæ сæхæдæг та гæрзифтонг кодтой украинаг æфсады Уæрæсейы ныхмæ схæцынмæ. Ахæм цъаммар митæ бакæныны фæстæ Уæрæсейы къухдариуæгадæн бынтондæр æууæнк нал ис хурныгуылæйнаг политиктыл. Европæйаг политиктæ сæ ном афтæ счъизи кодтой æмæ сын æввахс азты «куыдзы» кад дæр нал уыдзæнис æгас дунейы.
Джиоты Алыксандр
