76-æм сессийы фæлгæтты ИНО-йы Генералон Ассамблея Гуырдзыстоны фæндонмæ гæсгæ райста радон резолюци «Абхаз, Гуырдзыстон æмæ Цхинвалы районæй (Хуссар Ирыстон, Гуырдзыстон) лигъдæтты уавæры тыххæй».

РХИ-йы Фæсарæйнаг хъуыддæгты министрад фæндвидарæй æнæрайсгæйыл нымайы райсгæ резолюцийы, кæцы æрвылаз дæр бахæссы Гуырдзыстон 2008 азы августы хæсты фæстæ, уымæн æмæ уым æвдыст цæуы æрмæстдæр иуварсон политикон ахаст æмæ йын иумиагæй ницы ис хъуыддæгты æцæг уавæримæ æмæ лигъдæтты хъысмæты фæдыл катайдзинадимæ.

Тынг диссаг у уыцы бæстæты позици, кæцытæ хæцынц документы фарс уæвæг реалитæ æмæ Хуссар Ирыстоны интерестæ нæ бахынцгæйæ. Диссаг у резолюцийы кæцыдæр гипотетикон гуыр-дзиаг лигъдæттæн кæй тæригъæд кæнынц, уый, кæд æмæ æцæг историмæ гæсгæ нысанмæз-дæхтæй æмæ барвæндæй этникон гуырдзиæгтæ Хуссар Ирыстоны территорийæ ацыдысты 90-æм азты гуырдзиаг æфсæдты æрбабырстæй цалдæр боны размæ, афтæ уыд 2008 азы августы хæсты рæстæджы дæр.

Уыцы-иу рæстæджы Хуссар Ирыстон æмæ Гуырдзыстонæй 1990 азæй фæстæмæ 100 мин ирон лигъдоны бахъуыд сæ удтæ аирвæзын кæ-ныны æмæ Гуырдзыстоны ‘рдыгæй агрессийы тыххæй æндæр рæттæм алидзыны сæр, кæцыты хъысмæты тыххæй бынтондæр нæ тыхсы коллек-тивон Ныгуылæн.

Хуссар Ирыстоны радон хатт схуыдтой Гуырдзыстоны оккупацигонд хай, кæцы ныридæгæн нал расайы эмоцитæ. Республикæ Хуссар Ирыстон у хæдбар паддзахад æмæ Гуырдзыстоны территоримæ ницахæм ахаст дары. Реалондзинад ис уый мидæг, æмæ фактон æгъдауæй Гуырдзыстон соккупаци кодта фыдæлтæй баззайгæ ирон зæххыты – афтæхуыйнæг Хъазбегы район, цыран дзыллон æгъдауæй хæлд цæуынц адæймаджы бартæ. Уыцы зæххытæй тыхæй рарвитгæ ирон цæрджытæн бар нал ис сæхи сæрмагонд хæдзæрттæм, сæ фыдæлты уæлмæрдтæм бацæуы-нæн, æмæ уыцы факттæн гуырдзиаг къухдариуæгад æмæ ИНО-йы йæ ныгуылæйнаг хæлæрттæ ницахæм комментаритæ дæттынц.

Хъыгагæн, фæстаг рæстæджы кæддæр авторитетон дунеон организаци чи уыд, уый ссис «равзаргæ» паддзахадты фæзуат æмæ лæггад кæны æрмæстдæр ахæм бæстæты политикон нысæнттæн. Уыимæ лигъдæтты проблемæ у Женевæйы дунеон дискусситы хæс, кæцыйы фæлгæтты Хуссар Ирыстон, Абхаз æмæ Гуырдзыстонæн сæ бон у сæвзæргæ проблемæты æппæт спектры фæдыл сæ хъуыдытæ кæрæдзийæн дзурын. ИНО-йы ахæм резолюциты райстæн, цыран Хуссар Ирыстон æмæ Абхаз æвдыст нæ цæуынц, цыфæнды документæн дæр нæй объективондзинад æмæ нæ ахъаз кæны раст уынаффæтæ къухы бафтын кæнынæн æмæ регионы стабилондзинадæн.

Цхинвал,

2022 азы 9 июнь

Ацы æрмæджытæ дæр бакæс:

Женевæйаг дискусситы æмсæрдæрттæ – Цхинвалы Женевæйы уагъд цыд юбилейон раунд Цы фæндаг равзæрстам, уый сфидар кодтам референдумæй Стратегион иртасынæдты уæрæсейаг институты Тыбылты Леониды доклад «Кавказы Уæрæсейы геополитикон позицитæ сфидардæр кæныны Хуссар Ирыстоны нысаниуæг» Тыбылты Леонид: «Куыд Президент, афтæ æз мæ мисси уынын Уæрæсеимæ ахастытæ фидардæр æмæ рæзын кæныны»

Comments are closed, but trackbacks and pingbacks are open.