Æртæ иронæн дæр æхсызгон уыд уыцы фембæлд, фæлæ уырыссаг гогызы æмæ бабызы райгуырæн бæстæйы цъус рæстæджы дæргъы аныхас кодтой, уымæн æмæ Ростовы го-рæты маэстро Гергиты Валерийæн, куыд æндæр рæтты, афтæ йæ график уыд æндыгъд: 15.00 сахатыл ын концерт уыд Афицерты хæдзары, 19.00 сахатыл та — музыкалон театры.

— Æз тынг дис кæнын маэстро Гергиты Валерийы æвидигæ куыстуарзондзинадыл, йæ адæймагдзинады масштабыл. Уый мæнæн æрмæст зынгæ æмзæххон нæу, фæлæ ма мын цæвиттон у, куыд идеяйæн лæггад кæныны цырынгæнæг, афтæ, — ацы цауы тыххæй комментари сарæзта «Евродон»-ы компанийы къорды генералон директор Уанеты Вадим.

— Ацы аз фестиваль уагъд цæуы Сергей Сергейы фырт Прокофьевы райгуырдыл 125 азы сæххæсты цытæн. Мариинаг театр бирæбæрцæй Прокофьевы театр у. Уый æппынæдзух хъуыды кодта исты æцæгæй цымыдисонæй саразын, йæ хъуыдытæ ленк кодтой глобалон дунеон тыгъдады, — загъта Гергиты Валери.

Куадзæны Мæскуыйаг фынддæсæм фестиваль ацы аз цæудзæн 1-æм майæ 17 маймæ. Гергиты Валерийы къухдариуæгадæй Мариинаг театры симфонион оркестр, кæцыйы сконды сты П. И. Чайковскийы номыл конкурсы зындгонд музыканттæ-фæуæлахиз-уæвджытæ, хуыздæр инструменталон æмæ хорон коллективтæ дунейы бæстæтæй æрцы-дысты Ростов-Донмæ Куадзæны Мæскуыйаг фестивалы сæрмагонд поездыл. Поезды ис цыппæрдæс вагоны, уыдонæй аст вагон сты музыкантты тыххæй, ис дзы штабвагон, журналистты вагон, дыууæ вагоны вагон-ресторантæ, вагон-душ æмæ инструменттæн багажы вагон.

Гергиты Валерийы къухдариуæгадæй Мариинаг театры симфонион оркестр концерттæ уадздзæн 19 боны дæргъы Уæрæсейы 20 горæты: Тулæйы, Орел, Курск, Смоленск, Владимир, Мæскуы, Казань, Екатеринбург, Пермь, Воткинск, Ижевск, Нижный Новгород, Липецк, Воронеж, Ростов, Сочи, Краснодар, Дзæуджыхъæу, Астрахань æмæ Саранскы.

Республикæ Хуссар Ирыстоны информацион портал

Comments are closed, but trackbacks and pingbacks are open.