Парижы Паралимпиаг хъæзтыты бронзæйон призер ссис Сланты Виктория. Уый æртыккаг бынат бацахста рог атлетикæйæ 400 метрмæ згъорынæй (Т37 класс). Ацы дистанци Виктория алыгъд 1 минут æмæ 3,61 секундмæ. Афтæмæй ма уый сæххæст кодта йæхи сæрмагонд рекорд дæр.
СÆВÆРДТОЙ ЙЫН ЦЫРТ
Краснодары физикон размæцыды центр «Стань чемпионом»-ы байгом Олимпион хъæзтыты дыууæ хатты призер, дунейы цыппар хатты чемпион Къудухты Бесикы цырт. Уый тыххæй хъусын кæны Уæрæсейы хъæбысхæсты федерации.
Къудухты Бесик фæмард автокатастрофайы 2013 азы 29 декабры.
ДЖИУ-ДЖИТСУ
Санкт-Петербурджы уагъд æрцыдысты Уæрæсейы Хъайтар Дмитрий Кожемякины номарæн æппæтуæрæсейон ерыстæ джиу-джитсуйæ. Ерысты 94 кг уæзы категорийы æртыккаг бынат бацахста Санахъоты Георги. Ацы æнтыст Санахъойы фыртæн фадат дæтты æрыгæтты ‘хсæн дунейы чемпионаты хайад райсынæн, кæцы уагъд æрцæудзæн октябры мæйы Грецийы.
ХУРИТЫ Батрадз
